ကျိုက်ထို ၂၆ သြဂုတ်
ကျိုက်ထိုမြို့ တောင်သူစုရပ်ကွက်တွင် ယနေ့နံနက် ၄ နာရီခန့်က အမြင့်ပေ ၄၀ ခန့်၊ လုံးပတ် ၂၅ ပေခန့်ရှိ ညောင်ပင် ပြိုလဲကျမှု ဖြစ်ပွားခဲ့သည်။
အဆိုပါ ညောင်ပင်လဲပြိုမှုကြောင့် တောင်သူစုရပ်ကွက်နေ ဦးကျော်ရှိန်၏ ခြေတံရှည် သွပ်မိုး၊ ပျဉ်ကာ၊ ပျဉ်ခင်း နေအိမ်ပေါ်သို့ လဲကျခဲ့သဖြင့် နေအိမ်ပျက်စီးခဲ့ကြောင်း သိရသည်။
နေအိမ်ပျက်စီးဆုံးရှုံးခဲ့သော်လည်း လူနှင့် တိရိစ္ဆာန် ထိခိုက်ဒဏ်ရာ ရရှိမှုမရှိဘဲ တာဝန်ရှိသူများနှင့် ရပ်ကွက်နေပြည်သူများက ဝိုင်းဝန်းရှင်းလင်း ဖယ်ရှားပေးခဲ့ကြောင်း သိရသည်။
ဝင်းမောင်(ကျိုက်ထို)
