ကချင်ပြည်နယ် မိုးညှင်းမြို့နယ် မော်ဟန်ကျေးရွာတွင် မိုးရာသီအကြိုသွေးလွန် တုပ်ကွေးရောဂါ ကာကွယ်ရေးအတွက် ဖုံး၊သွန်၊ လဲ၊ စစ်လုပ်ငန်းနှင့် အဘိတ်ဆေးခပ်ခြင်းလုပ်ငန်းကို  ယနေ့ နံနက် ၇ နာရီက လူအင်အား ၁၀ဝ ခန့်ဖြင့် စုပေါင်းဆာင်ရွက်ခဲ့ကြသည်။

မြန်မာနိုင်ငံမှ ထိုင်းနိုင်ငံသို့ တရားမဝင် သွားရောက်အလုပ်လုပ်ကိုင်နေသည့် မြန်မာရွှေ့ပြောင်း အလုပ်သမား  အမျိုးသား ငါးဦး၊ အမျိုးသမီး နှစ်ဦးအား ထိုင်းနိုင်ငံ မယ်ဆိုင်မြို့ လူဝင်မှုကြီးကြပ်ရေးဌာနမှ တာဝန်ရှိသူများက မြန်မာနိုင်ငံ တာချီလိတ်မြို့မှ ဒေသအာဏာပိုင်များထံသို့ ယနေ့ မွန်းလွဲပိုင်းက မြန်မာ-ထိုင်း အမှတ်(၂) ချစ်ကြည်ရေးတံတား၌ လာရောက်လွှဲပြောင်းပေးခဲ့ရာ မြန်မာတာဝန်ရှိသူများက ကြိုဆိုလက်ခံခဲ့ကြောင်း သိရသည်။

(၄)နှစ်သင် ပညာရေးဒီဂရီကောလိပ် သင်ရိုးညွှန်းတမ်း အညွှန်းဘောင်၊ သင်ရိုးမာတိကာ မူကြမ်းအပေါ် ရန်ကုန်ပညာရေးတက္ကသိုလ် Board of Study ၏ သဘောထားမှတ်ချက်၊ အတည်ပြုချက်ရယူခြင်း အစည်းအဝေးကို ယနေ့နံနက် ၉ နာရီတွင် ရန်ကုန်မြို့ ပါမောက္ခချုပ်များကော်မတီရုံး အစည်းအဝေးခန်းမ၌ ကျင်းပသည်။ 

တရုတ်နိုင်ငံ ရွှေလီမြို့မှ တာဝန်ရှိသူများနှင့် မြန်မာနိုင်ငံ မူဆယ်ဒေသရှိ တာဝန်ရှိသူများသည် မေလဒုတိယပတ်တွင် နှစ်နိုင်ငံနယ်စပ်ဂိတ်များ၌ ဖြစ်ပေါ်နေသည့် ယာဉ်ကြောပိတ်ဆို့နေသည့် ကိစ္စရပ်များ၊ နယ်စပ်ကုန်သွယ်ရေး တိုးတက်စေရန် ကိစ္စရပ်များ၊ နှစ်နိုင်ငံကုန်သွယ်ရေးဖွံ့ဖြိုးစေရန် ကိစ္စရပ်များ စသည့် အကြောင်း အရာများအား ညှိနှိုင်းဆွေးနွေးခဲ့ပြီးဖြစ်ရာ မေ ၁၅ ရက်တွင် စတင် အကောင် အထည်ဖော် ဆောင်ရွက်နေပြီဖြစ်ကြောင်း သိရသည်။

ကုန်သွယ်မှုနှင့်ရင်းနှီးမြှုပ်နှံမှုကို အားပေးမြှင့်တင်ရေးလုပ်ငန်း ကော်မတီ၏ လုပ်ငန်းညှိနှိုင်း အစည်းအဝေးကို ယနေ့မွန်းလွဲ (၁)နာရီက နေပြည်တော်ရှိ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ အစည်းအဝေးခန်းမ၌ ကျင်းပသည်။