ထန်းတက်သူနည်းလာခြင်းကြောင့် ထန်းပက်လက် ကုလားထိုင်များ ဈေးတက်လာကြောင်း မန္တလေးတိုင်းဒေသကြီး မိတ္ထီလာမြို့ ရှမ်းတဲကျေးရွာရှိ ထန်းကုလားထိုင် ပြုလုပ်ရောင်းချသူများထံမှ သိရသည်။

မကွေးတိုင်းဒေသကြီး၊ ဆင်ပေါင်ဝဲမြို့နယ်ရှိ ကျေးရွာ (၁၀)ရွာ၌ နွေရာသီ သောက်သုံးရေဖူလုံစွာ ရရှိရေးအတွက် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ  အဝီစိစက်ရေတွင်း (၉)တွင်း တူးဖော်လျက်ရှိရာ ယခုအခါ စက်ရေတွင်း (၃)တွင်း တူးဖော်ပြီးစီး၍ စင်မြင့်ရေစင်၊ ရေစက်ရုံ တည်ဆောက်ခြင်းလုပ်ငန်းများ ဆက်လက်ဆောင်ရွက်လျက်ရှိကြောင်း မြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ သိရသည်။

မန္တလေးတိုင်းဒေသကြီး မြစ်သားမြို့နယ်၌ ပျော်ဘွယ်လေး-ဒါးရယ်ကောင်း စမုံမြစ် လူကူးတံတားအား  ၂၀၁၈-၂၀၁၉ ခုနှစ် ဘဏ္ဍာရေးနှစ် ပြည်ထောင်စုလွှတ်တော် ဒေသဖွံ့ဖြိုးရေးရန်ပုံငွေ၊ မြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ ကျေးရွာဖွံ့ဖြိုးရေးစီမံကိန်း (VDP) ရန်ပုံငွေနှင့် ဒေသခံပြည်သူများက လုပ်အား၊ ငွေအားတို့ဖြင့် စုပေါင်းထည့်ဝင်၍ တည်ဆောက်ကြသည်။

တိုင်းပြည်အနာဂတ်နှင့် လူငယ်ခေါင်းစဉ်ဖြင့် အသိပညာပေးဟောပြောပွဲကို မန္တလေးမြို့၊ ချမ်းမြသာစည်မြို့နယ်ရှိ မန္တလေးကွန်ဗင်းရှင်းစင်တာတွင် ယနေ့ နံနက် ၉ နာရီက ကျင်းပပြုလုပ်သည်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသအတွင်းရှိ လေရှီး၊ လဟယ်နှင့် နန်းယွန်း မြို့နယ်အတွင်း စိုက်ပျိုးရေးလုပ်ငန်းများ၊ အသားထုတ်လုပ်မှု ကဏ္ဍများတွင် အသုံးပြုနိုင်ရန်အတွက် ကျွဲ၊ ခိုင်းနွားနှင့် နွားနောက်(အသားစား) ကောင်ရေ (၂၅ဝ၇၅)ကောင် မွေးမြူထားကြောင်း နာဂကိုယ်ပိုင်အုပ်ချုပ်ခွင့်ရဒေသ ဒေသဦးစီးအဖွဲ့ရုံးမှ သိရသည်။

ချင်းတွင်းမြစ်အားဖြတ်သန်းကာ မကွေးတိုင်းဒေသကြီးနှင့် စစ်ကိုင်းတိုင်းဒေသကြီးကို ဆက်သွယ်ထားသော ဆင်ဖြူရှင်တံတားကြီးပေါ်တွင် လုံခြုံရေးလျော့နည်းလျက်ရှိသဖြင့် ဆင်ဖြူရှင်တံတား လုံခြုံရေးအား ယခင်ထက် ပိုမိုကြီးကြပ်ပေးရန် မကွေးတိုင်းဒေသကြီးဘက်ခြမ်း ဆင်ဖြူရှင်တံတားအနီးရှိ ဒေသခံကျေးရွာများမှ လိုလားလျက်ရှိကြောင်း သိရသည်။