ရန်ကုန်မြို့ အိမ်ရာအရောင်းပြခန်း (Yangon City Gallery) ဖွင့်ပွဲအခမ်းအနားကို ယနေ့ နံနက်(၇)နာရီခွဲတွင် ဗိုလ်တထောင်မြို့နယ် ဗိုလ်ချုပ်အောင်ဆန်းလမ်းရှိ မြို့ပြနှင့်အိမ်ရာ အဆောက်အဦ၌ ပြုလုပ်ခဲ့ရာ ရန်ကုန်တိုင်းဒေသကြီး အစိုးရအဖွဲ့၊ ဝန်ကြီးချုပ်ဦးဖြိုးမင်းသိန်း တက်ရောက်ခဲ့သည်။

မော်လမြိုင်ခရိုင် ကျိုက်မရောမြို့နယ်အတွင်း ၂၀၁၈ ဇူလိုင်လအတွင်း အတ္တရံမြစ်ရေကြီးမှုကြောင့် ရေနစ်မြုပ်ခြင်းခံရသော တောင်သူလယ်သမားများထံ မြန်မာချိကျိ ဖောင်ဒေးရှင်း ပရဟိတအသင်း ထိုင်ဝမ်မှ လာရောက်လှူဒါန်းသော ဆင်းသုခမျိုးစပါးများ ပေးအပ်လှူဒါန်းပွဲ အခမ်းအနားကို ယနေ့နံနက် ၁ဝ နာရီက ကျိုက်မရောမြို့ အတ္တရံခန်းမ၌ ကျင်းပခဲ့သည်။

မကွေးတိုင်းဒေသကြီး နတ်မောက်မြို့နယ် မီးသတ်ဦးစီးဌာနမှ မီးဘေးကြိုတင် ကာကွယ်ရေးအတွက် နတ်မောက်မြို့နယ် ဆည်မြောင်းနှင့် ရေအသုံးချမှု စီမံခန့်ခွဲရေးဦးစီးဌာနရုံးအား ယမန်နေ့နံနက် ၁ဝ နာရီက မီးဘေးကြိုတင်ကာကွယ်ရေး လက်တွေ့သရုပ်ပြသခဲ့သည်။

မန္တလေးတိုင်းဒေသကြီး၊ မြင်းခြံမြို့ရှိ မြင်းခြံဒီဂရီကောလိပ်တွင် ခြေလျင်နှင့် တောင်တက်အသင်းသည် နှစ်စဉ် တောင်တက်ခြင်းကို ပြုလုပ်လာရာ ယခုနှစ် ဖေဖော်ဝါရီ (၂၃) ရက်တွင် ကျောက်ဆည်ခရိုင်၊ မြစ်သားမြို့နယ်ရှိ မြန်မာနိုင်ငံ၏ ဗဟိုချက်ဖြစ်သော ပြက္ခရွေတောင်သို့ တက်ရောက်ခဲ့ကြောင်း သိရှိရသည်။

မင်းတုန်းမြို့နယ် စည်ပင်သာယာရေးအဖွဲ့မှ ၂၀၁၈-၂၀၁၉ ဘဏ္ဍာရေးနှစ်၌ ကျပ်(၁၀)သန်းနှင့်အထက် လမ်းလုပ်ငန်းများ ဆောင်ရွက်နိုင်ရန် လုပ်ငန်းသုံးပစ္စည်းများ ဝယ်ယူမည်ဖြစ်ကာ အိတ်ဖွင့်တင်ဒါစနစ် ကျင့်သုံးလုပ်ဆောင်သွားမည်ဖြစ်ကြောင်း စည်ပင်အမှုဆောင်အရာရှိ ဦးသိန်းဝင်းထံမှ သိရသည်။

ပဲခူးတိုင်းဒေသကြီး လက်ပံတန်းမြို့နယ် ဝါးရုံပင်ဇင်းကျေးရွာအုပ်စု ကမ်းနားစုကျေးရွာတွင် မြစိမ်းရောင် ကျေးရွာစီမံကိန်းမှ အတိုးရငွေ ၅၀ ရာခိုင်နှုန်းဖြင့် ဆောင်ရွက်ပြီး ငွေကျပ်သိန်း (၆၀) အကုန်အကျခံကာ ကမ်းနားစုကျေးရွာ ရွာတွင်းလမ်းနှင့် အောင်စိုးမိုးလမ်းကြီးနှင့် ဆက်သွယ်ထားသော အရှည်ပေ ၄၀ဝ၀၊ အကျယ် ၁၀ ပေ၊ ထု ၆ လက်မ ကုန်ထုတ်လမ်း ဖွင့်ပွဲအခမ်းအနားကို ဖေဖော်ဝါရီ ၂၃ ရက်တွင် ကျင်းပပြုလုပ်ခဲ့သည်။