(၇၂)နှစ်မြောက် ပြည်ထောင်စုနေ့ အထိမ်းအမှတ် ငြိမ်းချမ်းရေးအပြေးပြိုင်ပွဲကို ယနေ့နံနက် ၆ နာရီက ရန်ကုန်မြို့ တာမွေမြို့နယ် အားကစားနှင့် ကာယပညာသိပံ္ပ ကျိုက်က္ကဆံကွင်း၌ ကျင်းပရာ ရန်ကုန်တိုင်း အခြေခံပညာ ကျောင်းပေါင်းစုံမှ အပြေးပြိုင်ပွဲဝင် ကျောင်းသားကျောင်းသူ ၂၀ဝ၀ ကျော် ဝင်ရောက်ယှဉ်ပြိုင်ခဲ့ကြကြောင်း သိရသည်။ 

(၇၂)နှစ်မြောက် ပြည်ထောင်စုနေ့ကို ဂုဏ်ပြုသောအားဖြင့် မြန်မာ့ကျောက်စိမ်း ရတနာစိုက်ထူပွဲ အခမ်းအနားကို ယနေ့ နံနက်ပိုင်းတွင် ကချင်ပြည်နယ်၊ မြစ်ကြီးနားမြို့ ဆမားလမ်းနှင့် ဆွမ်ပရာဘွမ်လမ်း တြိဂံပန်းခြံတွင်း ကျောက်စိမ်းစိုက်ထူသည့်နေရာ၌ ကျင်းပသည်။

ရှမ်းပြည်နယ်(တောင်ပိုင်း)၊ ပအိုဝ်းကိုယ်ပိုင်အုပ်ချုပ်ခွင့်ရဒေသ၊ ဟိုပုံးမြို့၏ အထင်ကရစေတီတစ်ဆူဖြစ်သည့် သီရိမင်္ဂလာရွှေချမ်းသာ မွေတော်ဘုရားကြီးအား လုံးတော်ပြည့် ရွေွှသင်္ကန်းရောင်တော်ပွင့် ကပ်လှူပူဇော်ပွဲကို ယနေ့ နံနက် ၉ နာရီခွဲက ကျင်းပခဲ့သည်။

မန္တလေးတိုင်းဒေသကြီး၊ ညောင်ဦးခရိုင်၊ ကျောက်ပန်းတောင်းမြို့နယ် ရေဆုံးကျေးရွာရှိ ရှေးဟောင်းဘုရားစေတီ ပုထိုးများတွင် သန့်ရှင်းသပ်ရပ်မှုရှိစေရန်နှင့် ပြုပြင်ရန်လိုအပ်လျက်ရှိသည့် ဘုရားစေတီပုထိုးများအား အဆင်ပြေစွာ ပြုပြင်မွမ်းမံ ပြင်ဆင်သွားနိုင်ရန် ရည်ရွယ်၍ ယခုလ ပထမပတ်က ပုဂံမြို့မှ ပရဟိတအဖွဲ့ဝင်များက စုပေါင်း၍ ပြည်သူ့အကျိုးပြု သန့်ရှင်းရေးလုပ်ငန်းများ ကွင်းဆင်းဆောင်ရွက်ပေးခဲ့ကြောင်း သိရသည်။

ရန်ကုန် ၁၂ ဖေဖော်ဝါရီ

 

ဖေဖော်ဝါရီ ၁၂ ရက် ဒေသစံတော်ချိန် နံနက် ၄ နာရီခွဲတွင် နယူးဒေလီမြို့၊ Karol Bargh အရပ်ရှိ Arpit Hotel ၌ ဖြစ်ပွားခဲ့သော မီးလောင်မှုတွင် အဆိုပါ ဟိုတယ်၌ တည်းခိုနေထိုင်လျက်ရှိသော အဖွဲ့ဝင် (၇)ဦးပါ ရွှေမီဗုဒ္ဓဂါယာ မြန်မာဘုရားဖူးအဖွဲ့မှ (၂)ဦး သေဆုံးခဲ့ပြီး (၁)ဦး ထိခိုက်ဒဏ်ရာရရှိခဲ့ကြောင်း နယူးဒေလီမြို့ရှိ မြန်မာသံရုံး သတင်းထုတ်ပြန်ချက်အရ သိရှိရသည်။