မန္တလေးတိုင်းဒေသကြီး၊ ကျောက်ပန်းတောင်းမြို့နယ် ပုပ္ပား-တောင်ကလပ်သွားကားလမ်း အောင်သိန္ဓိကုန်းမှ တောင်ကလပ်သို့အဆင်းတွင် မိုးရက်ဆက်ရွာသွန်းမှုကြောင့် ယနေ့ နံနက် ၆ နာရီ ၄၅ မိနစ်ခန့်က လမ်း၏ဘယ်ဘက်ခြမ်း မြေထိန်းနံရံပြိုကျမှု ဖြစ်ပွားခဲ့ကြောင်း သိရသည်။

မန္တလေးတိုင်းဒေသကြီး၊ ညောင်ဦးမြို့နယ်တွင် မိုးသည်းထန်စွာရွာသွန်းခဲ့မှုကြောင့် ယနေ့နံနက်ပိုင်းတွင် ညောင်ဦးမြို့တွင်း မိန်းလမ်းမပေါ်နှင့် ရပ်ကွက်အချို့ရှိ လူနေအိမ်အဆောက်အဦများပေါ် သစ်ပင်လဲကျမှုများ ဖြစ်ပွားခဲ့ပြီး မြို့နယ်မီးသတ်ဦးစီးမှူး ဦးကျော်မင်းသူ ဦးဆောင်သော ခရိုင်နှင့် မြို့နယ်မီးသတ်တပ်ဖွဲ့ဝင်များက ချက်ချင်းသွားရောက်ကာ လိုအပ်သော ကူညီကယ်ဆယ်ရေးလုပ်ငန်းများ ဆောင်ရွက်ပေးခဲ့ကြောင်း သိရသည်။