နေပြည်တော်ကောင်စီနယ်မြေ၊ လယ်ဝေးမြို့နယ်တွင် ငွေကျပ် ၂၀ ဒသမ ၁၆ ဘီလီယံတန်ဖိုးရှိ စိတ်ကြွရူးသွပ်ဆေးပြား ၁၃ ဒသမ ၄၄ သန်း သယ်ဆောင်သည့် ဂိုဏ်းအဖွဲ့အား ဖော်ထုတ်ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

ရန်ကုန်မြို့တော် စည်ပင်သာယာရေးကော်မတီ ဒုတိယဥက္ကဋ္ဌ၊ ဒုတိယမြို့တော်ဝန် ဦးညီညီသည် တာဝန်ရှိသူများနှင့်အတူ ယနေ့နံနက်ပိုင်းတွင် ဒဂုံမြို့နယ် ပြည်သူ့ရင်ပြင်နှင့် ပြည်သူ့ဥယျာဉ်အတွင်း မြေအောက်ရေစုကန် တည်ဆောက်နေမှု၊ ဒေါပုံမြို့နယ်ရှိ အလင်းရောင်မြစ်ထွက်ပေါက်၊ သာကေတမြို့နယ် ရှုခင်းသာပတ်လမ်းရှိ အမှတ်(၃) မြစ်ထွက်ပေါက်၊ အမှတ်(၄) မြစ်ထွက်ပေါက်နှင့် အမှတ်(၇) မြစ်ထွက်ပေါက် ရေစီးရေလာ အခြေအနေများကို သွားရောက်ကြည့်ရှုစစ်ဆေးသည်။