ပဲခူးတိုင်းဒေသကြီး ဝန်ကြီးချုပ်ဦးဝင်းသိန်းသည် ဇန်နဝါရီ ၉ ရက် မွန်းလွဲပိုင်းက လွှတ်တော် ကိုယ်စားလှယ်များ၊ ဌာနဆိုင်ရာ တာဝန်ရှိသူများနှင့်အတူ သာယာဝတီခရိုင် ဇီးကုန်းမြိုနယ် စံပါယ်မြှောင်ကျေးရွာအုပ်စု တောင်ရေကန်ကျေးရွာနှင့် နတ္တလင်းမြို့နယ် တောင်ယာတော ကျေးရွာအုပ်စု၊ တောင်ယာတောကျေးရွာသို့ ဆက်သွယ်သွားလာနိုင်မည့် မြေသားလမ်းဖောက်လုပ်နိုင် ရေး မြေပြင်အခြေအနေအား ကွင်းဆင်းကြည့်ရှုကြသည်။

မွန်ပြည်နယ်၊ ရေးမြို့တွင် မြို့နယ်သမဝါယမဦးစီးဌာန၊ မြို့နယ်ငါးလုပ်ငန်းဦးစီးဌာနနှင့် မြို့နယ်သမဝါယမ အသင်းစုတို့ ပူးပေါင်း၍ ကိုဗစ်-၁၉ ရောဂါကာလတွင်  ရေထွက်ကုန်ပစ္စည်းများ ထုတ်လုပ်ဖြန့်ဖြူရောင်းချမှု အခက်အခဲမရှိစေရန်နှင့် စားသုံးသူပြည်သူများ ဈေးနှုန်းချိုသာစွာဖြင့် လွယ်လင့်တကူ ဝယ်ယူစားသုံးနိုင်ရေးအတွက် ပြည်သူများ ငါးများကို ဈေးနှုန်းချိုသာစွာ ဝယ်ယူစားသုံးနိုင်ရေး၊ ရေငန်ငါးများ ဖြန့်ဖြူးရောင်းချပေးခြင်းကို ယနေ့နံနက်ပိုင်းက ရေးမြို့ အောင်မေတ္တာရပ်ကွက်တွင် ရောင်းချပေးခဲ့သည်။

တောင်သူလယ်သမားအဖွဲ့အစည်းဆိုင်ရာ ဥပဒေမူကြမ်းအပေါ် ဌာနများ၏ အကြံပြုချက်များ ဒုတိယအကြိမ် ညှိနှိုင်းဆွေးနွေးပွဲကို ယနေ့နံနက်ပိုင်းက စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန ပြည်ထောင်စုဝန်ကြီးရုံး အစည်းအဝေးခန်းမ၌ ကျင်းပသည်။

အမရပူရမြို့နယ် တောင်သမန် အင်းထဲမှမြေများ လယ်များစတင် စိုက်ပျိုးလျက်ရှိသည်။တောင်သမန် အင်းအတွင်းမှမြေများကို အများအားဖြင့် မြေပဲနှင့်လယ်တို့ကို အဓိက စိုက်ပျိုးကြသည်။ ရေကျသည်မှ စကာပေါ်လာသော လယ်ယာမြေများကို အစဉ်လိုက်စိုက်ပျိုး တတ်ကြသည်။