၂၀၂၀ ပြည့်နှစ် ပါတီစုံ ဒီမိုကရေစီအထွေထွေရွေးကောက်ပွဲအကြို လှုံ့ဆော်ရေးတေးသီချင်းနှင့် မဲရုံသရုပ်ပြ ရိုက်ကူးမှုများကို ယနေ့မွန်းလွဲပိုင်းက ရန်ကုန်မြို့၊ ပြည်လမ်းရှိ မြန်မာ့အသံနှင့် ရုပ်မြင်သံကြား စတူဒီယို (၁)နှင့် (၂)တို့တွင် ရိုက်ကူးလျက်ရှိသည်။

နိုင်ငံတော်၏ ရိက္ခာဆန်အဖြစ် ဝယ်ယူထားသည့်လုံးရှည် / ဧည့်မထ ၂၅ ရာခိုင်နှုန်းအမျိုးအစား ဆန်အိတ်များအား စားသုံးသူပြည်သူများထံသို့ လက်လီဆန်အရောင်းဆိုင်များမှတစ်ဆင့် သက်သာသည့်စျေးဖြင့် ဖြန့်ဖြူးရောင်းချနိုင်ရန် မြန်မာနိုင်ငံ ဆန်စပါးအသင်းချုပ် ၊ မြန်မာနိုင်ငံ ဆန်စပါးကုန်သည်များ အသင်း ၊ ဆန်စပါးကုန်စည်ဒိုင်များနှင့် ဆန်လက်လီအရောင်းဆိုင်များ ပူးပေါင်းလျှက် စီမံဆောင်ရွက်သွားမည်ဖြစ်ကြောင်း မြန်မာနိုင်ငံဆန်စပါး အသင်းချုပ်မှ သိရသည်။

ပြန်ကြားရေးဝန်ကြီးဌာန၊ ပြည်ထောင်စုဝန်ကြီး၊ ဒေါက်တာဖေမြင့်သည် ယနေ့နံနက်ပိုင်းတွင်  ရန်ကုန်မြို့၊ ပြည်လမ်းရှိ မြန်မာ့အသံနှင့် ရုပ်မြင်သံကြား အစည်းအဝေးခန်းမ၌ ရုပ်ရှင်လုပ်ငန်းများ ဖွံ့ဖြိုး တိုးတက်ရေးအတွက် မြန်မာနိုင်ငံ ရုပ်ရှင်အစည်းအရုံးမှ တာဝန်ရှိသူများနှင့် တွေ့ဆုံဆွေးနွေးသည်။

ရခိုင်ပြည်နယ်၊ စစ်တွေ-ရေချမ်းပြင်သွားကားလမ်းဘေး၌ AA အကြမ်းဖက်သောင်းကျန်းသူများက ဒေသန္တရလက်လုပ်ရီမုမိုင်းများ ထောင်ထားကြောင်း သတင်းရရှိသဖြင့် ယနေ့နံနက်ပိုင်းတွင် တပ်မတော်အင်ဂျင်နီယာတပ်ဖွဲ့ဝင်များက လိုက်လံရှင်းလင်းဖော်ထုတ်ခဲ့ကြောင်း တပ်မတော် သတင်းမှန် ပြန်ကြားရေးအဖွဲ့ သတင်းထုတ်ပြန်ချက်အရ သိရသည်။

လွှတ်တော်အစည်းအဝေးများသို့ တက်ရောက်မည့် တပ်မတော်သားလွှတ်တော် ကိုယ်စားလှယ်များနှင့် အထောက်အကူပြုအဖွဲ့များတွင် ကိုဗစ်-၁၉ ရောဂါပိုးတွေ့ရှိမှု မရှိကြောင်း တပ်မတော် သတင်းမှန်ပြန်ကြားရေးအဖွဲ့၏ သတင်းထုတ်ပြန်ချက်အရ သိရသည်။