ဒလမြို့နယ် ရခိုင်ချောင်ကျေးရွာ၌ နွေရာသီသောက်သုံးရေဖူလုံစေရေး သောက်သုံးရေကန်ကြီး ပြန်လည်တူးဖော်

Mar 14,2020
ရန်ကုန်တိုင်းဒေသကြီး ဒလမြို့နယ် ရခိုင်ချောင်ကျေးရွာ၌ နှစ်စဉ်နွေရာသီကာလအတွင်း သောက်သုံးရေကန်များ ခန်းခြောက်လျက်ရှိရာ ဒေသခံပြည်သူများ ရေရှားပါးမှုမှ ကင်းဝေးစေရေးနှင့် သောက်သုံးရေ ဖူလုံစွာရရှိစေရေးအတွက် ရည်ရွယ်၍ မြို့နယ်အထွေထွေအုပ်ချုပ်ရေးဦးစီးဌာန မြို့နယ်အုပ်ချုပ်ရေးမှူး ဦးယဉ်ထွေး၏ မတည်လှူဒါန်းမှု၊ ဒေသခံ ကျေးရွာသူ၊ ကျေးရွာသားများမှ စုပေါင်းလှူဒါန်းငွေကျပ် သိန်း ၁၃၀ ဖြင့် ကျေးရွာတောင်ဘက်ခြမ်း၌ သောက်သုံးရေကန်ကြီးအား ပြန်လည်တူးဖော် ဆောင်ရွက်ခဲ့ကြောင်းသိရသည်။
ကွင်းဆင်းတီဘီရောဂါ ရှာဖွေဖော်ထုတ်ကုသပေး
Mar 14
မကွေးတိုင်းဒေသကြီး  မင်းဘူးခရိုင် စေတုတ္တရာမြို့နယ် တယ်ဇားအုပ်စုရှိ ကျေးရွာများ ကွင်းဆင်းတီဘီရှာဖွေဖော်ထုတ်ကုသပေးခြင်းကို တယ်ဇားကျေးရွာတွင်  ယနေ့နံနက် ၈ နာရီ အချိန်က အခမဲ့ကုသခြင်းများ ဆောင်ရွက်ပေးခဲ့ကြောင်း သိရသည်။
ဝန်းသိုမြို့၌ မုန့်မျိုးစုံပြုလုပ်နည်း သင်တန်းဆင်းပွဲကျင်းပ
Mar 14
စစ်ကိုင်းတိုင်းဒေသကြီး ဝန်းသိုမြို့နယ် ပြန်ကြားရေးနှင့်ပြည်သူ့ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) ခန်းမ၌ ကသာခရိုင် လူမှုဝန်ထမ်းဦးစီးဌာနနှင့် လူငယ်ရေးရာ ကော်မတီတို့ ပူးပေါင်း၍ ရပ်ရွာအခြေပြု မုန့်မျိုးစုံပြုလုပ်နည်း သင်တန်းဆင်းပွဲ အခမ်းအနားကို မတ်လ ၁၃ ရက်နေ့ ညနေ ၃ နာရီက ပြုလုပ်ခဲ့ကြောင်း သိရသည်။
မတ္တရာမြို့နယ်ရှိ သစ်တောကြိုးဝိုင်းမြေများမှ ပယ်ဖျက်မည့်လယ်မြေ (၆၇.ဝ၂) ဧကအား ကွင်းဆင်းစစ်ဆေး
Mar 14
မန္တလေးတိုင်းဒေသကြီး ပြင်ဦးလွင်ခရိုင် မတ္တရာမြို့နယ်အတွင်းရှိ တောင်ခေါင်းကြိုးဝိုင်းနှင့် ချောင်းသဘော့ကြိုးဝိုင်းရှိ လယ်မြေ(၆၇.ဝ၂)ဧကအား သစ်တောကြိုးဝိုင်းမြေမှ ပယ်ဖျက်ပေးနိုင်ရေးအတွက် မြေပြင်ကွင်းဆင်းစစ်ဆေးခြင်းကို မတ်လ ၁၃ ရက်က ပူးပေါင်း အဖွဲ့ဖြင့် ကွင်းဆင်းစစ်ဆေးခဲ့ကြသည်။
လူမှုရေးပင်စင်ရရှိသည့် အဖိုးအဖွားထံ ထောက်ပံ့ငွေများ အိမ်တိုင်ရာရောက်ပေးအပ်
Mar 14
ပဲခူးတိုင်းဒေသကြီး လူမှုဝန်ကြီးဦးစီးဌာနမှူးရုံးမှ ဝန်ထမ်းများသည် မတ်လ ၁၃ ရက် မွန်းလွဲပိုင်းမှ စတင်ကာ ပဲခူးမြို့ မြို့ပေါ်ရပ်ကွက်များရှိ လူမှုရေးပင်စင်ခံစားနေသည့် အဘိုးအဘွားများထံသို့ သွားရောက်ပြီး ထောက်ပံ့ငွေများကိုအိမ်တိုင်ရာရောက် ထောက်ပံ့ပေးအပ်ခဲ့ကြကြောင်းသိရသည်။
ဒေးဒရဲမြို့နယ် လူထုအခြေပြုဗဟိုဌာနတွင် အခြေခံကဗျာရေးသားနည်းသင်တန်း ဖွင့်လှစ်မည်
Mar 14
ဧရာဝတီတိုင်းဒေသကြီး၊ ဖျာပုံခရိုင်၊ ဒေးဒရဲမြို့နယ်တွင် အနာဂတ်လူငယ်လူရွယ်များ အသိပညာ ဗဟုသုတတိုးပွားလာစေရန်၊ စာပေလေ့လာဖတ်ရှုသည့် အလေ့အကျင့်ကောင်းများရရှိစေရန်နှင့် အခြေခံကဗျာရေးသားနည်းများအား ရင်းနှီးကျွမ်းဝင်မှုရှိစေရန် ရည်ရွယ်၍ အလယ်တန်းနှင့် အထက်တန်းအဆင့် အခြေခံကဗျာရေးသားနည်းသင်တန်းကို ပြန်ကြားရေးနှင့်ပြည်သူ့ ဆက်ဆံရေးဦးစီးဌာန၊ လူထုအခြေပြုဗဟိုဌာန (Community Centre) ခန်းမတွင် မတ်လ ၁၆ ရက်နေ့မှ စ၍ အခမဲ့ ဖွင့်လှစ်သွားမည်ဖြစ်ကြောင်း သိရသည်။
မယ်စဲ့ဘီပီ(၁၃)ဂိတ်နှင့် ဘီပီ(၁၄)နယ်စပ်ဂိတ်တို့တွင် ကိုရိုနာဗိုင်းရပ်စ်ရောဂါ စောင့်ကြပ်ကြည့်ရှုရေး လုပ်ငန်းများ အရှိန်အဟုန်မြှင့် ဆောင်ရွက်လျက်ရှိ
Mar 14
ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် အိမ်နီးချင်းထိုင်းနိုင်ငံနှင့် နှစ်နိုင်ငံ ဝင်ပေါက်/ထွက်ပေါက်ဖြစ်သည့် မယ်စဲ့ဘီပီ(၁၃)ဂိတ်နှင့် ဘီပီ(၁၄)နယ်စပ်ဂိတ်တို့တွင် COVID-19 လတ်တလော အသက်ရှူလမ်းကြောင်းဆိုင်ရာ ရောဂါဖြစ်မွားမှုဖြစ်စဉ်နှင့် ပတ်သက်၍ ရောဂါစောင့်ကြပ်ကြည့်ရှုရေးလုပ်ငန်းများအား မြို့နယ်ကျန်းမာရေးဦးစီးဌာနမှ အရှိန်အဟုန်မြှင့် ဆောင်ရွက်လျက်ရှိကြောင်း သိရသည်။