နေပြည်တော်ကောင်စီ Covid-19 ထိန်းချုပ်ရေးနှင့် အရေးပေါ်တုံ့ပြန်ရေးဆိုင်ရာ စက်ရုံ၊ အလုပ်ရုံများနှင့် စည်ပင်သာယာရေးလုပ်ငန်းများ၊ ကြီးကြပ်ရေးလုပ်ငန်းကော်မတီဥက္ကဋ္ဌ၊ နေပြည်တော်ကောင်စီဝင် ဦးညီထွန်း ဦးဆောင်သော စစ်ဆေးရေးအဖွဲ့သည် တပ်ကုန်းမြို့နယ် ပြည်သူ့လွှတ်တော်ကိုယ်စားလှယ် ဦးကျော်တင့်နှင့်အတူ ယနေ့နံနက်ပိုင်းက နေပြည်တော်ရှိ မြန်မာ့အသံနှင့် ရုပ်မြင်သံကြားသို့ ရောက်ရှိပြီး ကွင်းဆင်းကြည့်ရှု စစ်ဆေးကြသည်။

ကချင်ပြည်နယ်၊ တနိုင်းမြို့နယ်တွင် ကိုဗစ်-၁၉ ရောဂါ ကာကွယ်ထိန်းချုပ်ရေးလုပ်ငန်းများ အရှိန်အဟုန်မပျက် ဆောင်ရွက်လျက်ရှိရာ ယမန်နေ့ နံနက်ပိုင်းက Qurantine ဝင်နေသူများကို ကိုဗစ်-၁၉ ရောဂါနှင့်ပက်သက်၍ လိုက်နာရမည့် စည်းကမ်းများကို စနစ်တကျ လိုက်နာဆောင်ရွက်ကြစေရန် တာဝန်ရှိသူများမှ အသိပညာပေး ခြင်းများ ဆောင်ရွက်ခဲ့သည်။

မန္တလေးတိုင်းဒေသကြီး၊ ကျောက်ဆည်ခရိုင် ၊ စဉ့်ကိုင်မြို့နယ် မဲဇာရွာနှင့် သင်ကတုန်ရွာတွင် မြက်ဖျာ ရက်လုပ်သည့် လုပ်ငန်းဖြင့်  တစ်နှစ်ပတ်လုံး ပုံမှန်ဝင်ငွေ ဖော်ဆောင်လျက်ရှိသည်။

ပဲခူးတိုင်းဒေသကြီး၊ တောင်ငူခရိုင်၊ ဖြူးမြို့နယ်မှ မြန်မာပြည်တွင်း ဒေသအသီးသီးမှ မိမိဒေသသို့ ပြန်လာကြသူများအား Facility Quarantine  Centre များတွင် (၂၁) ရက်စောင့်ကြည့်ပြီး  ကျန်းမာရေး စောင့်ရှောက်မှုများ ပေးသွားမည်ဖြစ်ကြောင်း ဖြူးမြို့နယ် ကိုဗစ် - ၁၉ ရောဂါ ကြိုတင်ကာကွယ် ထိန်းချုပ်ရေးကော်မတီ ဥက္ကဋ္ဌထံမှ သိရသည်။

ကျိုက်ထီးရိုးတောင် ကုန်ထမ်း/လူထမ်း ကော်မတီအဖွဲ့မှ ကိုဗစ်-၁၉ ကူးစက်ရောဂါကြောင့် အလုပ်လက်မဲ့ဖြစ်နေသည့် ကုန်ထမ်း/ လူထမ်း အခြေခံလူတန်းစားများ စားသောက်ရေး အဆင်ပြေစေရန် ယနေ့ နံနက်ပိုင်းက ဆန်၊ ဆပ်ပြာနှင့် နှာခေါင်းစည်းများ ဝေငှခဲ့ကြောင်း သိရသည်။

မကွေးတိုင်းဒေသကြီး တောင်တွင်းကြီးမြို့နယ်၏ အဓိကထွက်ကုန်တစ်ခုဖြစ်သည့် ပဲကြော်များ သင်္ကြန်ပြီးကာလမှစ၍ ယခင်ကထက် အ၀ယ်လိုက်ပြီး ရောင်းအားမြင့်တက်လာကြောင်း သိရသည်။