မန္တလေးတိုင်းဒေသကြီး ညောင်ဦးမြို့နယ် လက်ပံခြေပေါ်အုပ်စုကျေးရွာများ၊ သစ်ထောင့်ကျွန်းအုပ်စု ကျေးရွာများတွင် ငမြှောင်တောင်ပိုး ကျရောက်နေခြင်းကြောင့် ပြောင်းဖူးစိုက်တောင်သူများ အထွက်နှုန်း လျော့ကျလာကြောင်း ပြောင်းဖူးစိုက် တောင်သူ ဦးဝင်းတင်ထံက သိရသည်။

စက်ရုံအလုပ်ရုံများ ပိတ်သိမ်းမှု ၁၂၀ ကျော်ရှိသော်လည်း မြန်မာနိုင်ငံရင်းနှီးမြှုပ်နှံမှု ကောမရှင်သို့ တင်ပြသည့် စက်ရုံ သုံးရုံသာရှိကြောင်း ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနမှ ညွှန်ကြားရေးမှူးချုပ် ဦးသန့်စင်လွင် က ဧပြီ ၇ ရက်တွင် ပြောသည်။

ပခုက္ကူမြို့၊ မြန်မာ့မီးရထား၊ ပခုက္ကူဘူတာမှ အခြေစိုက်ပြေးဆွဲနေသည့်လမ်းကြောင်း လေးခုကို ဧပြီ  ၁၀ ရက်မှ  ၁၉ ရက်ထိ ပြေးဆွဲခြင်း ရပ်နားထားမည် ဖြစ်သည်။

မကွေးတိုင်းဒေသကြီးအတွင်း သမဝါယမအသင်းသား ပြည်သူများ ဈေးနှုန်းကြီးမြင့်စွာ ဝယ်ယူရ ခြင်းမရှိစေရေးအတွက် ညှိနှိုင်းထိန်းသိမ်းရန်  ရည်ရွယ်၍ ကိုဗစ်-၁၉ ကာကွယ် ထိန်းချုပ် ကုသရေး ဆောင်ရွက်နေသည့် ကာလ၌ မကွေးတိုင်းဒေသကြီး သမဝါယမဦးစီးဌာနနှင့် သမဝါယမအသင်းစုချုပ်မှ တာဝန်ရှိသူများသည် ဧပြီလ ၇ ရက် နံနက်ပိုင်းက မကွေးမြို့နယ် သမဝါယမအသင်းစုပိုင် ဆီစက်သို့ ကွင်းဆင်းဆောင်ရွက်ခဲ့သည်။

မိတ္ထီလာမြို့နယ်အတွင်း ဒေသဖွံ့ဖြိုးရေး လုပ်ငန်း ၉၅ ခုအား အကောင်အထည်ဖော်ဆောင်ရွက်ရန်အတွက် ပြည်ထောင်စု လွှတ်တော်ဒေသဖွံ့ဖြိုးရေး ရန်ပုံငွေကျပ်သိန်းတစ်ထောင်ပေးအပ်ပွဲကို ဧပြီ  ၈ ရက်နေ့ နံနက် ၁၀ နာရီက မြို့နယ်အထွေထွေအုပ်ချုပ်ရေးဦးစီးဌာနခန်းမတွင် ကျင်းပကြောင်း သိရသည်။