မင်းဘူးခရိုင်၊ ငဖဲမြို့နယ်တွင် Faciliy Quarantine  ဆောင်ရွက်ထားသော ပြည်သူများအား မကွေးတိုင်းဒေသကြီး အစိုးရအဖွဲ့မှ ထောက်ပံ့သော Mask များကို ယနေ့ နံနက် ၁၀ နာရီက  မြို့နယ် ကိုဗစ်-၁၉ ရောဂါ ကာကွယ်ထိန်းချုပ်ရေး လုပ်ငန်းကော်မတီအဖွဲ့မှ ပေးအပ်ခဲ့ကြောင်း သိရသည်။

မကွေးခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ကိုဗစ်-၁၉ ရောဂါ ကြိုတင်ကာကွယ်ရေးအတွက် ရုပ်ရှင်၊ ဂီတအနုပညာရှင်များ၏ အသိပညာပေး ပိုစတာများပြသကာ ပြည်သူတစ်ရပ်လုံး လိုက်နာဆောင်ရွက်ရမည့် ကျန်းမာရေးဌာန၏ ညွှန်ကြားချက်များကို ရုံးရှေ့တွင် နံရံကပ် ပိုစတာပြသခြင်း၊ မကွေးမြို့ပေါ်ရပ်ကွက်နှင့် ကျေးရွာများသို့ မော်တော်ယာဉ်ဖြင့် လှည်လည်နိူးဆော်ခြင်းတို့ ဆောင်ရွက်ခဲ့ကြောင်း သိရသည်။

အခြေခံစားသောက်ကုန်၊ ဆေးနှင့် ဆေးပစ္စည်းများ ဖူလုံရေးနှင့် ဈေးနှုန်းကြီးမြင့်မှုမရှိစေရေး ညှိနှိုင်းအစည်းအဝေးကို ယနေ့နံနက် ၉ နာရီတွင် ပြည်ထောင်စုသမ္မတ မြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ် (UMFCCI) ၌ ကျင်းပခဲ့သည်။

မန္တလေးတိုင်းဒေသကြီး ရမည်းသင်းမြို့နယ်တွင် ကိုဗစ်−၁၉ ရောဂါ ကာကွယ်ထိန်းချုပ်ရေးလုပ်ငန်းများအား အရှိန်မြှင့်ဆောင်ရွက်လျက်ရှိရာ ယမန်နေ့ နံနက်ပိုင်းက တိုင်းဒေသကြီးအစိုးရအဖွဲ့ လူဝင်မှုကြီးကြပ်ရေးနှင့်၊ လူ့စွမ်းအားအရင်းအမြစ်ဝန်ကြီး ဦးအောင်ကြည်နှင့် တာဝန်ရှိသူများက ရောဂါကာကွယ်ထိန်းချုပ်ရေး စောင့်ကြည့် စခန်းများကို စစ်ဆေးခဲ့ပြီး ပစ္စည်းများ ထောက်ပံ့ပေးခဲ့ကြောင်း သိရသည်။

ကယားပြည်နယ်အစိုးရဖွဲ့၏ စီစဉ်ကြီးကြပ်မှုဖြင့် ပြည်နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာန မြန်မာအသံနှင့် ရုပ်မြင်သံကြား တိုင်းရင်းသားရုပ်သံလိုင်းတို့ ပူးပေါင်း၍ ကိုဗစ်-၁၉ ကာကွယ်၊ ထိန်းချုပ်၊ ကုသရေး ဆိုင်ရာဆွေးနွေးပွဲကို ယနေ့ နံနက် ၁၀ နာရီက လွိုင်ကော်မြို့  မြို့နယ်ခန်းမ၌ ပြုလုပ်ခဲ့သည်။