မကွေးတိုင်းဒေသကြီး၊ ငဖဲမြို့နယ် သာစည်ကျေးရွာတွင် လယ်ယာထုတ်ကုန် ဧက ၃၀ဝ ကျော်အကျိုးပြုမည့် ကျေးလက်ကုန်ထုတ်လမ်း ဖောက်လုပ်ဆောင်ရွက်လျက်ရှိကြောင်း ငဖဲမြို့နယ် ကျေးလက်ဒေသ ဖွံ့ဖြိုးတိုးတက်ရေးဦးစီးဌာနမှ သိရသည်။

ဂန့်ဂေါခရိုင် ကျောက်ထုမြို့ဒေသတွင် စပါးများရိတ်သိမ်းပြီးနောက် စိုက်ပျိုးထားသည့် ဆောင်းသီးနှံ စပ်မျိုးနေကြာ ဆီထွက်သီးနှံများ အောင်မြင်ဖြစ်ထွန်းလျက်ရှိကြောင်း ကျောက်ထုမြို့ စိုက်ပျိုးရေးဦးစီးဌာနမှ သိရသည်။  

ရှမ်းပြည်နယ် (တောင်ပိုင်း) လွိုင်လင်ခရိုင်၊ မိုင်းကိုင်ဒေသထွက် လိမ္မော်သီး ရောင်းချသူများ စီးပွားဖြစ် တွက်ချေကိုက် အဆင်ပြေကြကြောင်း သိရသည်။

လူငယ်နှင့် ငြိမ်းချမ်းရေး အစီအစဉ်အရ ကျင်းပသော ငြိမ်းချမ်းရေးနှင့် ပဋိပက္ခဖြေရှင်းခြင်းဆိုင်ရာ ဆွေးနွေးပွဲအား မျက်မှောက်ခေတ် မြန်မာ့ငြိမ်းချမ်းရေးဖြစ်စဉ်နှင့် တက္ကသိုလ်ကင်းထောက် လူငယ်တို့၏ အခန်းကဏ္ဍ ဆွေးနွေးပွဲကို ဒီဇင်ဘာ ၃၀ ရက်က ရန်ကုန်မြို့ မြန်မာနိုင်ငံ ကင်းထောက်အဖွဲ့ချုပ်ရုံး၌ လူငယ်ငြိမ်းချမ်းရေး သံတမန်များ ဦးဆောင်၍ ကျင်းပရာ မြန်မာနိုင်ငံ ကင်းထောက်အဖွဲ့ အမျိုးသားကင်းထောက်ချုပ် ဒေါက်တာတင်ညို၊ ကင်းထောက် အစီအစဉ်မှူးချုပ် ဦးအေးကြိုင်နှင့် တက္ကသိုလ် ကင်းထောက်လူငယ်များ တက်ရောက်ကြသည်။