ရှမ်းပြည်နယ်(အရှေ့ပိုင်း)၊ ကျိုင်းတုံခရိုင် ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံး၌ မေ (၂၅) ရက် မွန်းလွဲပိုင်းက ကျိုင်းတုံခရိုင်အတွင်းရှိ မြို့နယ်ဦးစီးမှူးများ၊ တွဲဖက်ပြည်နယ်ရုံးမှ ဝန်ထမ်းများ၊ ကျိုင်းတုံခရိုင်ရုံးမှ ဝန်ထမ်းများ၏ လုပ်ငန်းများ ဆောင်ရွက်ထားရှိမှုအား ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ ညွှန်ကြားရေးမှူးချုပ် ဦးရဲနိုင် ကြည့်ရှုစစ်ဆေးခဲ့သည်။

မန္တလေးတိုင်းဒေသကြီး၊ ပြင်ဦးလွင်မြို့ရှိ ကန်တော်လေးရေကန် သန့်ရှင်းသာယာလှပစေရေးအတွက်   ပြင်ဦးလွင် တပ်နယ်မှူး ဦးဆောင်သော စစ်သည်များ၊ မြန်မာနိုင်ငံရဲတပ်ဖွဲ့ဝင်များ၊ ခရိုင်/မြို့နယ်အဆင့် ဌာနဆိုင်ရာ ဝန်ထမ်းများ၊ ရပ်ကွက်အုပ်ချုပ်ရေးမှူးများ၊ လူမှူရေးအသင်းအဖွဲ့များ၊ စည်ပင်ဝန်ထမ်းများနှင့် ဒေသခံပြည်သူများ စုစုပေါင်းအင်အား (၈၂၃) ဦးခန့်သည်  ယနေ့နံနက် (၇) နာရီက ရေကန်အတွင်းနှင့် ရေကန်ဘောင်တစ်လျှောက် သန့်ရှင်းသာယာလှပရေး စုပေါင်းလုပ်အားပေးခဲ့ကြကြောင်း သိရသည်။