နိုင်ဂျာနိုင်ငံတွင် ကိုရိုနာဗိုင်းရပ်စ် ပထမဆုံး ကူးစက်ခံရကြောင်း နိုင်ဂျာပြည်သူ့ကျန်းမာရေးဝန်ကြီးဌာနက ယမန်နေ့က ထုတ်ပြန်ကြေညာခဲ့သည်။

အီတလီနိုင်ငံမှာ COVID 19 ဗိုင်းရပ်စ်ကြောင့် သေဆုံးသူဟာ ဗိုင်းရပ်စ်ပိုးစတင်ပျံ့နှံ့ရာ တရုတ်နိုင်ငံထက် ပိုများသွားကြောင်း သိရပါတယ်။ အီတလီနိုင်ငံမှာ ၂၄ နာရီအတွင်း သေဆုံးသူ ၄၂၇ ဦးရှိကြောင်း  သိရတဲ့အတွက် သေဆုံးသူ စုစုပေါင်း ၃,၄၀၅ဦးသွားဖြစ်ပါတယ်။ ဗိုင်းရပ်စ်ပိုး စတင်ရာ တရုတ်နိုင်ငံမှာတော့ သေဆုံးသူ ၃,၂၄၅ဦး ရှိပြီး အများစုမှာ အသက်ကြီးသူတွေဖြစ်ကြောင်း သိရပါတယ်။ 

ဂျပန်နိုင်ငံ ယနေ့ ဒေသစံတော်ချိန် ၁၀ နာရီ ၃၀ မိနစ်တွင်  ကိုရိုနာဗိုင်းရပ်စ်ကူးစက်ခံရသူ အရေအတွက် ၉၆၂ အထိ မြင့်တက်လာကြောင်း ဂျပန်ကျန်းမာရေးဝန်ကြီးဌာနနှင့် ဒေသန္တရအစိုးရက ပြောကြားခဲ့သည်။

ဂျာမနီနိုင်ငံမှာ ဗိုင်းရပ်စ်ပိုးကူးစက်သူ  ၂၄ နာရီအတွင်း ၂၈၀၁ ဉီးရှိတဲ့အတွက် ကူးစက်ခံရသူ စုစုပေါင်း ၁၀,၉၉၉ အထိ ရှိသွားပြီဖြစ်ကြောင်း ကြာသပတေးနေ့မှာထုတ်ပြန်တဲ့ တရားဝင်စာရင်းအရ သိရပါတယ်။ 

အီတလီနိုင်ငံမှာ COVID19 ဗိုင်းရပ်စ်ပိုး ပျံ့နှံ့မှု ထိန်းချုပ်ရန် နိုင်ငံသားတွေကို မတ်လ ၁၂ ရက်နေ့က စတင်ပြီး သီတင်းနှစ်ပတ်တိတိ အိမ်အပြင်မထွက်ရန် ပြဌာန်းခဲ့ပါတယ်။

ကမ္ဘာတစ်ဝန်းမှာ လူပေါင်း သန်း ၅၀ဝ လောက်ဟာ COVID19ဗိုင်းရပ်စ်ပိုးပျံ့နှံ့မှုကြောင့် အိမ်မှာ ရှိနေရကြောင်း သိရပါတယ်။