ဝေလမှာ  ဗိုင်းရပ်စ်ပိုးထိန်းချုပ်ရေးစည်းမျဉ်းအရ ဧည့်ဝတ်ပြုတဲ့နေရာတွေမှာ အရက်သေစာ ရောင်းချခွင့်ပိတ်ပင်ကြောင်းနဲ့ ဆိုင်တွေကို စောစောပိတ်ရေးကို လာမယ့်သောကြာနေ့ကစပြီး ညွှန်ကြားသွားမယ်လို့ ဝေးလ်စ်အစိုးရက တနင်္လာနေ့က ကြေညာလိုက်ပါတယ်။

ဗြိတိန်မှ စကော့တလန် ခွဲထွက်ရေးအတွက် ၂၀၂၁ ခုနှစ်မှာ ဒုတိယအကြိမ် ဆန္ဒခံယူပွဲလုပ်ဆောင်ရေး နည်းလမ်းရှာသွားမယ်လို့ စကော့တလန်ဝန်ကြီးချုပ် နီကိုလာစတပ်ဂျန် တနင်္လာနေ့မှာ ပြောကြားလိုက်ပါတယ်။  အဲဒီလို ဆန္ဒခံယူပွဲလုပ်ဖို့ ဆိုတာ မေလမှာ ကျင်းပမယ့် ရွေးကောက်ပွဲမှာ သူမရဲ့ စကော့တစ်ရှ်အမျိုးသားပါတီ  (SNP) အနိုင်ရဖို့ လိုအပ်တာကို တွေ့ရပါတယ်။

ဩစတြေးလျနိုင်ငံတွင် ကိုဗစ်-၁၉ ရောဂါကူးစက်ပျံ့နှံ့မှုကြောင့် ကန့်သတ်ချက်များ လအတန်ကြာချမှတ်ခဲ့ပြီးနောက် ဗစ်တိုးရီးယားနှင့် နယူးဆောက်သ်ဝေးလ်စ်ပြည်နယ်တို့မှ ဒေသခံများအတွက် နိုင်ငံအရှေ့မြောက်ပိုင်းရှိ  ကွင်းစလန်ပြည်နယ် နယ်စပ်ဒေသများကို အင်္ဂါနေ့တွင် ပြန်လည်ဖွင့်လှစ်ပေးခဲ့သည်။

နိုဝင်ဘာ ၂၉ ရက်က အင်ဒိုနီးရှားနိုင်ငံ အရှေ့နူဆာတင်ဂါရာပြည်နယ်၊ လင်ဘာတာခရိုင်၌ မီးတောင်ပေါက်ကွဲမှုတစ်ခု ဖြစ်ပွားခဲ့ရာ ဒေသခံပြည်သူ ၄၆၂၈ ခန့် ဘေးလွတ်ရာသို့ ပြောင်းရွှေ့သွားကြောင်း ဒေသဆိုင်ရာ အာဏာပိုင်များက ယနေ့ပြောကြားသည်။

ဩစတြေးလျားနိုင်ငံဟာ ကိုရိုနာဗိုင်းရပ်စ်ပိုး ကူးစက်ချိန် မတ်လက စပြီး နိုင်ငံရဲ့ နယ်စပ်ဂိတ်တွေ ပိတ်ထားခဲ့ရာ ဒီနေ့ (တနင်္လာနေ့) အရုဏ်တက်ချိန်ကစပြီး နိုင်ငံတကာမှ ကျောင်းသူကျောင်းသားတွေ တင်ဆောင်လာတဲ့ လေယာဉ်တစ်စီး စိုက်ရောက်လာတာကို တွေ့ရပါတယ်။