အစ္စရေးနိုင်ငံနှင့် အီဂျစ်နိုင်ငံတို့သည် နှစ်နိုင်ငံအကြား တိုက်ရိုက်လေကြောင်းလိုင်းများ ပြေးဆွဲမှုကို တိုးချဲ့ရန် သဘောတူညီခဲ့ပြီး တဲလ်အဗစ်မြို့နှင့် ရှမ်အီလ်ရှိတ်ခ်မြို့တို့အကြား တိုက်ရိုက်လေကြောင်း လိုင်းသစ်ပြေးဆွဲမှုကို မကြာမီကာကအတွင်း စတင်ရန် သဘောတူညီခဲ့ကြောင်း အစ္စရေးနိုင်ငံက မတ် ၁၆ ရက်တွင် ပြောကြားသည်။

ဆော်ဒီအာရေဗျက ကမ္ဘာ့ရေနံဈေးကွက်ကို တည်ငြိမ်အောင် လုပ်ဆောင်သွားမည်ဖြစ်ကြောင်း ဘင်္ဂလားဒေ့ရှ်နိုင်ငံသို့ အလည်အပတ် ရောက်ရှိနေသော ဆော်ဒီအာရေဗျ နိုင်ငံခြားရေးဝန်ကြီး မင်းသား ဖိုင်ဆယ်ဘင် ဖာဟန်အယ်လ် ဆော်ဒ်က မတ် ၁၆ ရက်က ပြောကြားလိုက်သည်။

ဘရူနိုင်းနိုင်ငံတွင် တစ်ရက်အတွင်း ကိုဗစ်-၁၉ ရောဂါကူးစက်ခံရသူ ၂၂၇၈ ဦးရှိပြီး ကူးစက်ဖြစ်ပွားသူပေါင်း ၁၁၄၃၇၁ ဦးအထိရှိလာသည်။

အမေရိကန်နိုင်ငံတွင် ကိုဗစ်-၁၉ ရောဂါ ကူးစက်ဖြစ်ပွားမှုကြောင့် သေဆုံးခဲ့သည့် ကလေးဦးရေ၏ သုံးပုံတစ်ပုံသည် အိုမီခရွန်ဗီဇပြောင်းကူးစက်မှုအတွင်း သေဆုံးခြင်းဖြစ်ကြောင်း သည်ဂါးဒီယန်းသတင်းစာတွင် ဖော်ပြထားသည်။

တောင်ကိုရီးယားနိုင်ငံတွင် လွန်ခဲ့သော ၂၄ နာရီအတွင်း ကိုဗစ်-၁၉ ရောဂါ ကူးစက်ခံရသူ ၃၆၂၃၃၈ ဦး ထပ်မံတွေ့ရှိခဲ့ပြီး ရောဂါကူးစက်ဖြစ်ပွားသူပေါင်း ၇၂၂၈၅၅၀ အထိမြင့်တက်လာကြောင်း ကျန်းမာရေးအာဏာပိုင်များက ယနေ့တွင် ပြောကြားသည်။

သီရိလင်္ကာနိုင်ငံတွင် ၂၀၂၂ ခုနှစ် ပထမနှစ်လအတွင်း ခရီးသွားလုပ်ငန်းမှ အမေရိကန်ဒေါ်လာ ၅၈၃ သန်းခန့်ရှိကြောင်း၊ ၂၀၂၁ ခုနှစ်က ထိုကာလအတွင်း ဒေါ်လာ ၁၆ ဒသမ ၄ သန်းရှိကြောင်း ဗဟိုဘဏ်မှရရှိသောအချက်အလက်များအရ သိရသည်။