ဗီလာရီးယဲလ်အသင်းဟာ ချန်ပီယံလိဂ် ၁၆ သင်း အဆင့်ပွဲစဉ်မှာ ဂျူဗင်တပ်အသင်းကို အနိုင်ရရှိခဲ့တာကြောင့် ၂၀၀၈-၂၀၀၉ ဘောလုံးရာသီနောက်ပိုင်း ချန်ပီယံလိဂ်ကွာတားဖိုင်နယ်အဆင့်ကို ပထမဆုံး အကြိမ်တက်လှမ်းခွင့်ရရှိခဲ့ပြီဖြစ်ပါတယ်။

NSDF Futsal Invitation Championship 2022 ဖိတ်ခေါ်ဖူဆယ်ပြိုင်ပွဲ အုပ်စုနောက်ဆုံးနေ့ကို မတ် ၁၇ ရက်က ထိုင်းနိုင်ငံ၌ ဆက်လက်ကျင်းပရာ မြန်မာအသင်း အုပ်စုဒုတိယဖြင့် ဆီမီးဖိုင်နယ် တက်ရောက် သွားသည်။

ချန်ပီယံလိဂ် ၁၆ သင်းအဆင့်ပွဲစဉ်မှာ အက်သလက်တီကိုမက်ဒရစ်အသင်းကို ရှုံးနိမ့်ကာ ချန်ပီယံလိဂ် ပြိုင်ပွဲကနေ မန်ယူအသင်း ထွက်ခဲ့ရပြီးနောက် တိုက်စစ်မှူး စီရိုနယ်လ်ဒိုဟာ ၁၇ နှစ်တာကာလအတွင်း ဆုဖလားလက်မဲ့ရာသီနဲ့ ပထမဆုံးအကြိမ် ကြုံတွေ့ရတော့မှာ ဖြစ်ပါတယ်။

ဆားဘီးယားတင်းနစ်အကျော်အမော် ဂျိုကိုဗစ်ဟာ ကိုဗစ်-၁၉ ရောဂါကာကွယ်ဆေးထိုးနှံရသေးခြင်း မရှိပေမယ့် ပြင်သစ်နိုင်ငံက ကိုဗစ်-၁၉ ရောဂါဆိုင်ရာ ကန့်သတ်ချက်တွေ ဖြေလျှော့ပေးခဲ့တဲ့အတွက် လာမယ့်မေလအတွင်း ကျင်းပဖို့စီစဉ်ထားတဲ့ ပြင်သစ်အိုးပင်းတင်းနစ်ပြိုင်ပွဲမှာ ပါဝင်ယှဉ်ပြိုင် ကစားခွင့်ရရှိမှာဖြစ်တာကြောင့် ပြင်သစ်အိုးပင်းတင်းနစ်ချန်ပီယံဆုကို ကာကွယ်နိုင်မယ့် အခွင့်အရေး ရရှိတော့မှာ ဖြစ်ပါတယ်။

ယူအီးအက်ဖ်အေချန်ပီယံလိဂ် ၁၆ သင်းအဆင့် ဒုတိယအကျော့ကို မတ် ၁၇ ရက် နံနက်ပိုင်းက ယှဉ်ပြိုင်ကစားခဲ့ရာ လိုင်လီနှင့် ချယ်ဆီးအသင်းတို့ပွဲစဉ်တွင် ချယ်ဆီးက နှစ်ဂိုးတစ်ဂိုးဖြင့် အနိုင်ရရှိပြီး နှစ်ကျော့ပေါင်း ရလဒ် လေးဂိုး- တစ်ဂိုးဖြင့် ချယ်ဆီးအသင်း နောက်တစ်ဆင့် တက်ရောက်နိုင်ခဲ့သည်။ ဂျူဗင်တပ်စ်နှင့် ဗီလာရီးရဲအသင်းတို့ပွဲစဉ်တွင် ဗီလာရီးရဲက သုံးဂိုး-ဂိုးမရှိဖြင့် အနိုင်ရရှိပြီး နှစ်ကျော့ ပေါင်း ရလဒ် လေးဂိုး-တစ်ဂိုးဖြင့် ဗီလာရီးရဲအသင်း နောက်တစ်ဆင့် တက်ရောက်နိုင်ခဲ့သည်။