COVID-19

ရန်ကုန်တောင်ပိုင်းခရိုင်အတွင်း ကိုဗစ်-၁၉ ကြိုတင်ကာကွယ်နိုင်ရေး လက်ဆေးဘေစင် ၁၀၂ ခုတပ်ဆင် ဆောင်ရွက်ပေးလျက်ရှိ

Apr 10,2020

ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် UNICEF အဖွဲ့တို့ပူးပေါင်း၍ ရန်ကုန်တိုင်းဒေသကြီး၊ ရန်ကုန်တောင်ပိုင်း ခရိုင် အတွင်း ကိုဗစ်-၁၉ ရောဂါ ကြိုတင်ထိန်းချုပ်ကာကွယ်နိုင်စေနှင့် ကျေးလက် နေပြည်သူများ ပတ်ဝန်းကျင် သန့်ရှင်းရေးဆိုင်ရာ အလေ့အထကောင်းများ ကျင့်သုံးလာစေရန်ရည်ရွယ်၍ ခရိုင်အတွင်းရှိ ကျေးရွာ များနှင့် မြို့ပေါ်အတွင်းလိုအပ်သည့် နေရာများ တွင် အများပြည်သူ အသုံးပြုရန် လက်ဆေးဘေစင်နှင့်ဆက်စပ်ပစ္စည်း ၁၀၂ ခု ကို အထွေထွေအုပ်ချုပ်ရေးဦးစီးဌာန၊ ကိုဗစ်-၁၉ ရောဂါကာကွယ်ထိန်းချုပ်ရေးအဖွဲ့အစည်းများဖြင့် ညှိနှိုင်းဆွေးနွေးကာ လိုအပ်သည့်နေများတွင် တပ်ဆင်ဆောင်ရွက်ပေးလျက် ရှိကြောင်း ရန်ကုန်တောင်ပိုင်း ခရိုင်ကျေးလက်ဒေသဖွံ့ဖြိုးတိုးတက်ရေး ဦးစီးဌာနရုံးမှ သိရသည်။

Quarantine Center မှ ပြန်ကြမည့်သူများ လိုက်နာရမည့်အချက်များအား အသိပညာပေး

Apr 10

ကရင်ပြည်နယ်၊ ဘားအံခရိုင်၊ လိပ်သိုမြို့တွင် Quarantine Centerတွင် အသွားအလာကန့်သတ်မှုခံယူခြင်း (၁၄)ရက် ပြည့်မြောက်ပြီးနောက် မိမိအိမ်သို့ ပြန်ကြမည့်သူများ လိုက်နာရမည့်အချက်များအား အသိပညာပေးခြင်းကို ဧပြီ ၉ ရက်နေ့ နံနက်ပိုင်းက လိပ်သိုမြို့ပြန်ကြားရေးနှင့်ပြည်သူ့ဆက်ဆံရေးဦးစီးဌာနမှ သွားရောက်ဆောင်ရွက်ပေးခဲ့ကြောင်း သိရသည်။

မော်လမြိုင်ကျွန်းမြို့နယ်တွင် ကိုဗစ်-၁၉ ရောဂါကြိုတင်ကာကွယ်နိုင်ရေး Volunteers team လူငယ်များက အသိပညာပေး

Apr 10

မြို့နယ်အတွင်းရှိလူစည်ကားရာနေရာများ၊ လမ်းဆုံများ၊ ဈေးများသို့သွားရောက်၍ မြို့နယ်နေပြည်သူများ ကူးစက်ရောဂါနှင့်ပတ်သက်၍ အသိပညာဗဟုသုတ ရရှိစေရန် ကျန်းမာရေးပညာပေး လက်ကမ်းစာစောင်များ ဖြန့်ဝေခြင်းနှင့် လက်ဆေးပါသီချင်းဖြင့် ပညာပေး တေးသရုပ်ဖော်ကပြဖျော်ဖြေမှုများ ဆောင်ရွက်လျက်ရှိ

ထန်းတပင်၌ စောင့်ကြည့်ကာလ (၁၄)ရက် ပြည့်မြောက်သူများအား ကျန်းမာရေး ထောက်ခံချက်ပေးအပ်ခြင်းနှင့် ကိုဗစ်-၁၉ ရောဂါကာကွယ်ရေး ပိုးသတ်ဆေးဖျန်း

Apr 10

ရန်ကုန်မြောက်ပိုင်းခရိုင်၊ ထန်းတပင်မြို့နယ်၌ Community Quarantine Base Center (သတ်မှတ်စုစည်းနေရာ) အဖြစ်သတ်မှတ်ထားရှိသည့် အ.ထ.က(ခွဲ) အတွင်း ရေကျော်ကျောင်းတွင် အသွားအလာစောင့်ကြည့်မှု ခံယူနေသူများအား (၁၄)ရက်တာပြည့်မြောက်ပြီဖြစ်၍ ကျန်းမာရေး ထောက်ခံချက်နှင့် ထောက်ပံ့လှူဒါန်းငွေများ ပေးအပ်လှူဒါန်းခြင်းကို ဧပြီ ၉ ရက်နေ့က အဆိုပါ ကျောင်းတွင် မြို့နယ်တာဝန်ရှိသူများက ပေးအပ်ခဲ့ကြပြီး မြို့နယ်အတွင်းရှိ ကျေးရွာ(၁၄)ရွာတို့တွင်လည်း ရောဂါကြိုတင်ကာကွယ်ရေး အထောက်အကူပြုစေရန်အတွက် ပိုးသတ်ဆေးဖျန်းခြင်းလုပ်ငန်းများကို ပုညပါရမီလူမှုကူညီ ကယ်ဆယ်ရေးအသင်း (ထန်းတပင်)မှဆောင်ရွက်ခဲ့ကြကြောင်း သိရသည်။

ဆောမြို့နယ်တွင် မြို့အဝင်အထွက်သွားလာနေသည့် မော်တော်ယာဉ်များအား စစ်ဆေး

Apr 10

မကွေးတိုင်းဒေသကြီး၊ ဆောမြို့နယ်တွင် ကိုဗစ်-၁၉ ရောဂါ ကြိုတင်ကာကွယ်ထိန်းချုပ်ကုသနိုင်ရေးနှင့် ကူးစက်ပြန့်ပွားမှု မရှိစေရေးအတွက် မကွေးတိုင်းဒေသကြီး လွှတ်တော်ကိုယ်စားလှယ် ဦးထင်လင်း၊ မြို့နယ်အုပ်ချုပ်ရေးမှူး ဦးကြည်မင်းထွန်းတို့၏ ကြီးကြပ်ဆောင်ရွက်မှုဖြင့် ကျန်းမာရေးဝန်ထမ်းများ၊ မြို့နယ်ရဲတပ်ဖွဲ့ဝင်များ၊ မီးသတ်တပ်ဖွဲ့ဝင်များ၊ ပရဟတိတလူမှုရေးအဖွဲ့များ၊ ရပ်ကွက်အုပ်ချုပ်ရေးမှူးများနှင့် စာရေးများမှ ပူးပေါင်း၍ ဆောမြို့ အဝင်အထွက်တွင် စစ်ဆေးရေး ဂိတ်စခန်းဖွင့်၍ မြို့တွင်း ဖြတ်သန်းသွားလာနေသော မော်တော်ယဉ်များအား ဧပြီ ၉ ရက် နံနက်ပိုင်းမှ စတင်၍ ကြပ်မတ်စစ်ဆေးလျက်ရှိကြောင်း သိရသည်။

ဝမ်းတွင်းမြို့နယ်ကျေးလက်ဒေသ ဖွံ့ဖြိုးတိုးတက်ရေးဦးစီးဌာနနှင့် Unicef တို့ပူးပေါင်းပြီး လက်ဆေး စင်(၂၉)ခုနှင့် လက်ဆေးဆပ်ပြာများ လှူဒါန်း

Apr 10

မန္တလေးတိုင်းဒေသကြီး၊ ဝမ်းတွင်းမြို့နယ်တွင် ကျေးလက်ဒေသဖွံ့ဖြိုးတိုးတက်ရေးဦးစီးဌာနနှင့် Unicef တို့ ပူးပေါင်း၍ လက်ဆေးစင်များနှင့် လက်ဆေးဆပ်ပြာများ လှူဒါန်းခြင်းများကို ဧပြီ ၉ ရက်နေ့က မြို့နယ်အတွင်းရှိQuarantine Zoneများတွင်ဆောင်ရွက်ခဲ့ကြောင်း သိရသည်။

မယ်စဲ့မြို့နယ်၌ စောင့်ကြည့်ကာလ ၁၄ ရက်ပြည့်သူများအား နေရပ်ပြန်ခွင့်ပြု

Apr 10

ကယားပြည်နယ်၊ ဘောလခဲခရိုင်၊ မယ်စဲ့မြို့နယ်တွင် မတ် ၂၆ ရက်က အိမ်နီးချင်းထိုင်းနိုင်ငံမှ ပြန်လာသူများအား မြို့နယ်ပြည်သူ့ဆေးရုံ၌ ထားရှိသော Facility Quarantine တွင် စောင့်ကြည့်ခဲ့ရာ ၁၄ ရက် ပြည့်ပြီးဖြစ်၍ ယနေ့နံနက် ၈ နာရီက ၎င်းတို့၏နေအိမ်အသီးသီးသို့ ပြန်ခွင့်ပြုခဲ့ကြောင်းသိရသည်။