မိုးအဆက်မပြတ်ရွာသွန်းမှုကြောင့် မင်းတပ်ခရိုင် လိုင်လင်းပီမြို့တောင်ဖက် ပိုင်တယ်ကျေးရွာ၊ ပထိန်တလန်ကျေးရွာကြား မြေပြိုမှုဖြစ်ပွားပြီး ပြည်သူများသွားလာရေးအခက်ကြုံလျက်ရှိကြောင်း မြို့နယ်ပြန်ကြားရေးနှင့် ပြည်သူ့ဆက်ဆံရေးဦးစီးဌာနမှ သိရသည်။

ဖျာပုံခရိုင်၊ ဒေးဒရဲမြို့နယ် မြို့ပေါ်ရပ်ကွက်နှင့် ကျေးရွာများမှ ကိုယ်အင်္ဂါ မသန်စွမ်းသူများအတွက် လူမှုဝန်ထမ်း ကယ်ဆယ်ရေးနှင့် ပြန်လည်နေရာချထားရေးဝန်ကြီးဌာနမှ ပေးပို့သော ထောက်ပံ့ငွေလွှဲပြောင်း ပေးအပ်ပွဲကို ယမန်နေ့ ညနေ ၃ နာရီက မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်အုပ်ချုပ်ရေးမှူးရုံးခန်း၌ ကျင်းပခဲ့သည်။ 

ဇွန်လ ၂၆ ရက်နေ့တွင် ကျရောက်မည့် အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင် ရောင်းဝယ်မှုတိုက်ဖျက်ရေးနေ့ အထိမ်းအမှတ်အကြို ပန်းချီပြိုင်ပွဲနှင့် စာဖတ်စွမ်းရည်ပြိုင်ပွဲကို ယနေ့ နံနက် (၁၀) နာရီက လူထုအခြေပြုဗဟိုဌာန(Community Centre) ခန်းမ၌ ကျင်းပခဲ့သည်။