နိုင်ငံတော် စီမံအုပ်ချုပ်ရေးကောင်စီ အဖွဲ့ဝင်၊ ဒုတိယဝန်ကြီးချုပ်နှင့် ကာကွယ်ရေး ဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်းသည် မြန်မာနိုင်ငံဆိုင်ရာ ကုလသမဂ္ဂ ယာယီဌာနေညှိနှိုင်းရေးမှူးနှင့် လူသားချင်း စာနာထောက်ထားမှုဆိုင်ရာ ယာယီညှိနှိုင်းရေးမှူး Mr. Marcoluigi Corsi ကို ဖေဖော်ဝါရီ ၂၈ ရက် နံနက်ပိုင်းက ပြည်ထောင်စုဝန်ကြီးရုံး ဧည့်ခန်းမ၌ လက်ခံတွေ့ဆုံသည်။

ရန်ကုန်တိုင်းဒေသကြီး စည်ပင်သာယာရေးဝန်ကြီး၊ ရန်ကုန်မြို့တော် စည်ပင်သာယာရေး ကော်မတီဥက္ကဋ္ဌ မြို့တော်ဝန် ဦးဗိုလ်ဌေးသည် သက်ဆိုင်ရာဌာနမှူးများနှင့် တာဝန်ရှိသူများနှင့်အတူ ဖေဖော်ဝါရီ ၂၈ ရက် နံနက်ပိုင်းက မရမ်းကုန်းမြို့နယ်၊ ၁၀ ရပ်ကွက်၊ ပါရမီလမ်း၊ ခုပ်ဖူစားသောက်ဆိုင်ရှေ့ အင်းလျားကန်ရေဝင်ပေါက် ရေစစ်ကန်ရေမြောင်းသို့ သွားရောက်၍ ရေစစ်ကန်အတွင်းရှိ အနယ်များနှင့် ရေမြောင်းအတွင်းရှိ မြောင်းချေးများ ဆယ်ယူရှင်းလင်းခြင်း၊ ရေစစ်ကန်နှင့် ရေမြောင်း ဝဲ/ယာ မြက်ပင်ချုံနွယ်များ ခုတ်ထွင်ရှင်းလင်းခြင်း ဆောင်ရွက်နေမှုတို့ကို ကြည့်ရှုစစ်ဆေးပြီး လိုအပ်သည်များ မှာကြားသည်။

EV Battery စွန့်ပစ်ပစ္စည်းစီမံခန့်ခွဲမှုမူဝါဒ(မူကြမ်း) ရေးဆွဲခြင်းဆိုင်ရာ လုပ်ငန်းညှိနှိုင်း အစည်းအဝေး(၁/၂၀၂၄)ကို ဖေဖော်ဝါရီ ၂၇ ရက် နံနက်ပိုင်းက သိပ္ပံနှင့်နည်းပညာဝန်ကြီးဌာန၌ ကျင်းပခဲ့သည်။

ပြည်မြို့နယ်နှင့် မင်းလှမြို့နယ်တို့တွင် ငွေကျပ် ၃ ဒသမ ၃  ဘီလီယံတန်ဖိုးရှိ  စိတ်ကြွရူးသွပ်ဆေးပြား ၁၆ ဒသမ ၅ သိန်း ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့မှ သိရသည်။

ကရင်ပြည်နယ်၊ သံတောင်ကြီးဒေသသည် တောင်ပေါ်ဒေသဖြစ်ပြီး ဒေသခံပြည်သူများမှာ ဉယျာဉ်ခြံလုပ်ငန်း ဖြစ်သော နှစ်ရှည်ခံပင်သီးနှံများကို အဓိကစိုက်ပျိုးလုပ်ကိုင်လျက်ရှိရာ နှစ်ရှည်သီးနှံဖြစ်သည့် မရမ်းသီးများသည်  ယခု ဖေဖော်ဝါရီလနောက်ဆုံးပတ်တွင်    အသီးများစတင်ထွက်ရှိပြီး ဒေသခံပြည်သူများက   လိုက်လံဆွတ်ခူး ရောင်းချရာတွင် ပေါ်ဦးပေါ်ဖျားဖြစ်သည့်အတွက် ဈေးကောင်းရရှိကြောင်း သိရသည်။

မန္တလေးတိုင်းဒေသကြီး၊ မိတ္ထီလာမြို့နယ်တွင် ခရိုင်မီးသတ်ဦးစီးမှူးရုံး၏ ငလျင်သရုပ်ပြဇာတ်တိုက် လေ့ကျင့်ခြင်းကို ယနေ့ နံနက် ၉ နာရီက မိတ္ထီလာမြို့နယ် မီးသတ်စခန်းတွင် ကျင်းပခဲ့ကြောင်း သိရသည်။