အမျိုးသား လျှပ်စစ်ဓာတ်အား ရရှိရေးစီမံကိန်း(NEP)ဖြင့် မီးလင်းခဲ့သည့် ပဲခူးမြို့နယ် အင်းတကော်မြို့ ကျောက်တန်းကျေးရွာအုပ်စု ရွာတော်ကုန်းကျေးရွာတွင် ဒီဇင်ဘာ ၁၆ ရက် နံနက် ၁၀ နာရီက လျှပ်စစ်မီးဖွင့်ပွဲ  ကျင်းပပြုလုပ်သည်။

ကရင်ပြည်နယ် ဘားအံခရိုင်  သံတောင်ကြီးမြို့နယ်တွင် Organic ကော်ဖီဧက ၅၀၀၀ တိုးချဲ့စိုက်ပျိုးရေးနှင့် အရည်အသွေးမြင့် ကော်ဖီထုတ်လုပ်ရေးအတွက် သံတောင်ကြီးမြို့နယ် ကော်ဖီအစုအဖွဲ့မှ တာဝန်ရှိသူများ၊ ကော်ဖီလုပ်ငန်းရှင်များနှင့် ကော်ဖီစိုက်တောင်သူများ တွေ့ဆုံဆွေးနွေးခြင်းကို ဒီဇင်ဘာ  ၁၅  ရက် နံနက်ပိုင်းက ကျောက်တိုင်ကော်ဖီခြံခွဲ၌ ကျင်းပပြုလုပ်ခဲ့ကြောင်းသိရသည်။

စစ်ကိုင်းတိုင်းဒေသကြီး ကသာမြို့နယ်တွင် ၂၀၁၉-၂၀၂၀ ဘဏ္ဍာရေးနှစ်အတွင်း ဆောင်ရွက်ခဲ့သော ရာသီအလိုက် သီးနှံစမ်းသပ်ကွက်နှင့်စံပြကွက်များ ဆောင်ရွက်ခဲ့မှုအပေါ် တွေ့ရှိချက်နှင့် သုံးသပ်ချက် များအား သုတေသနစာတမ်းဖတ်ပွဲ အခမ်းအနားကို ဒီဇင်ဘာ  ၁၅  ရက် မွန်းလွဲပိုင်းက ခရိုင် စိုက်ပျိုးရေး ဦးစီးဌာန အစည်းအဝေးခန်းမ၌ ကျင်းပခဲ့ကြောင်း ဗန်းမာက်မြို့နယ် စိုက်ပျိုးရေး ဦးစီးဌာနမှ သိရသည်။ 

 

ဧရာဝတီတိုင်းဒေသကြီး မအူပင်ခရိုင် ပန်းတနော်မြို့နယ်တွင် ကျေးလက်ဒေသဖွံ့ဖြိုး တိုးတက်ရေးဦးစီးဌာနက ကျေးလက်နေပြည်သူများ စွမ်းဆောင်ရည်မြှင့်တင်ပေးရန်နှင့် အသက်မွေးဝမ်းကျောင်း အလုပ်အကိုင်အခွင့်အလမ်းများ ဖန်တီးပေးနိုင်ရန်ရည်ရွယ်ပြီး အသက်မွေးဝမ်းကျောင်းအထောက်အကူပြု စိုက်ပျိုးရေးနှင့် မွေးမြူရေးသင်တန်း ဖွင့်ပွဲ အခမ်း အနားကို ဒီဇင်ဘာ ၁၅ ရက် နံနက် ၁၀ နာရီက ယင်းယိုကျေးရွာအုပ်စု စွတ္တမူကျေးရွာတွင် ဖွင့်လှစ်ပေးခဲ့သည်။

စစ်ကိုင်းတိုင်းဒေသကြီးအတွင်းရှိ ခရိုင်(၇)ခုတွင် ဂျုံသီးနှံ (၇၆၀၆၇)ဧက စိုက်ပျိုးပြီးစီးပြီဖြစ်ကြောင်း စစ်ကိုင်းတိုင်းဒေသကြီး စိုက်ပျိုးရေးဦးစီးဌာနမှ တိုင်းဒေသကြီးဦးစီးမှူး ဦးဝင်းလှိုင်ဦး၏ ပြောကြားချက်အရ သိရသည်။