မကွေးတိုင်းဒေသကြီး၊ မင်းဘူး(စကု)မြို့နယ်တွင် ဧရာဝတီမြစ်ရေဝင်ရောက်မှု ကြောင့် ပြောင်းရွှေ့လာကြသော ကျေးရွာများမှ နွားများအား ပေါင်ပုပ်လက်ပုပ်ရောဂါ ကြိုတင်ကာကွယ်ဆေးထိုးနှံပေးခြင်းကို ယမန်နေ့ မွန်းလွဲပိုင်းက ဆောင်ရွက်ပေးခဲ့ ကြောင်း သိရှိရသည်။

စစ်ကိုင်းတိုင်းဒေသကြီး၊ ကသာမြို့တွင် မိသားစုဝင်ငွေရရှိရန်အတွက် ငါးချဉ်လုပ်ငန်း လုပ်ကိုင်သူများအနေဖြင့် ယခုနှစ်တွင် ငါးရရှိမှုနည်းပါးခြင်းကြောင့် ယခင်နှစ်ထက် လုပ်ငန်း အဆင်ပြေမှုမရှိကြောင်း ငါးချဉ်လုပ်ငန်းလုပ်ကိုင်သူများထံမှ သိရသည်။

ဧရာဝတီတိုင်းဒေသကြီး ဖျာပုံခရိုင် အမာမြို့ ဘဝသစ်ကျေးရွာအုပ်စု၊ဂေါ်ဒူကျေးရွာတွင်​​ သြဂုတ် ၃ ရက် မွန်းလွဲပိုင်းမှစတင်ကာ  ရုတ်တရက် လေပြင်းတိုက်ခတ်ပြီး ပင်လယ်ရေမျက်နှာပြင် မြင့်တက်မှုကြောင့် လူနေအိမ်များ ပြိုကျပျက်စီးမှုဖြစ်ပွားခဲ့ရာ ယခုအချိန်ထိလူ​နေအိမ် (၁၀)လုံးခန့် ပြိုကျပျက်စီးခဲ့ကြောင်း သိရသည်။

ဧရာဝတီတိုင်းဒေသကြီး၊ ဇလွန်မြို့နယ်တွင် မြစ်ကမ်းပါးပြိုကျမှုကြောင့် ကြိုတင်ဖျက်သိမ်း ပြောင်းရွှေ့ခဲ့ရသည့် နေအိမ် ၁၄ လုံးရှိ အိမ်ထောင်စုဝင်များအား ကယ်ဆယ်ရေးရန်ပုံငွေ ထောက်ပံ့ပေးအပ်ပွဲကို ယနေ့ နံနက် ၁၁ နာရီတွင် မြို့နယ်အထွေထွေအုပ်ချုပ်ရေး ဦးစီးဌာန အစည်းအဝေးခန်းမတွင် ကျင်းပပြုလုပ်ခဲ့သည်။

တနင်္သာရီ တိုင်းဒေသကြီး၊ ပုလောမြို့နယ် ၂၀၂၀−၂၀၂၁ ပညာသင်နှစ် Grade-4 သင်ရိုးသစ် မြို့နယ်အဆင့်သင်တန်း ဒုတိယအကြိမ် ဖွင့်ပွဲကို ယနေ့ နံနက်ပိုင်းက ပုလောမြို့ အမက (၇) ၌ ကျင်းပ ပြုလုပ်ခဲ့သည်။

ကျေးရွာဖွံ့ဖြိုးရေးလုပ်ငန်းများမှ အလုပ်အကိုင်အခွင့်အလမ်းများရရှိပြီး ဝင်ငွေများရရှိစေရန် Cash for Work စီမံကိန်းကို ဖော်ဆောင်ရန် စီစဉ်လျက်ရှိရာ တမူးခရိုင်အတွင်းရှိ ကျေးရွာ(၆)ရွာတွင် လုပ်ငန်းခွဲ (၁၅)ခု ကို အကောင်အထည်ဖော် လုပ်ဆောင်လျက်ရှိကြောင်း တမူးခရိုင် ကျေးလက်ဒေသဖွံ့ဖြိုးတိုးတက်ရေး ဦးစီးဌာန မှ ခရိုင်ဦးစီးမှူး ဒေါ်ဥမ္မာခင်၏ ပြောကြားချက်အရ သိရသည်။