မန္တလေးတိုင်းဒေသကြီးအတွင်းရှိ မြို့နယ် (၁၄)မြို့နယ်မှ ဆောင်းသီးနှံစိုက်တောင်သူများ၏ စိုက်ဧက (၂၃၁၄၆၄)အတွက်  စိုက်ပျိုးစရိတ်ချေးငွေ ကျပ် (၂၄ ဒသမ ၆၄) ဘီလီယံ ထုတ်ချေးပေးရန်လျာထားပြီး ယခုလ ဒုတိယအပတ်မှ စတင်ကာ ထုတ်ချေးပေးလျက်ရှိကြောင်း မန္တလေးတိုင်းဒေသကြီး မြန်မာ့လယ်ယာဖွံ့ဖြိုးရေးဘဏ်ခွဲမှ မန်နေဂျာ ဒေါ်ယဉ်နွဲ့ထံမှ သိရသည်။

မြန်မာနိုင်ငံတော်ဗဟိုဘဏ်မှ ဆောင်ရွက်လျက်ရှိသည့် ငွေပေးချေမှုစနစ်အသစ် New Payment and Settlement System (CBM-Net2) ကို နိုဝင်ဘာ ၁၆ ရက်မှ စတင်အသုံးပြုလျက်ရှိကြောင်း မြန်မာနိုင်ငံတော်ဗဟိုဘဏ်နှင့် ပူးပေါင်းဆောင်ရွက်လျက်ရှိသော ဂျပန်အပြည်ပြည်ဆိုင်ရာ ပူးပေါင်းဆောင်ရွက်ရေးအေဂျင်စီ (JICA) ၏ ထုတ်ပြန်မှုအရ သိရသည်။

စစ်တွေမြို့နယ်၊ ကျက်တောပြင်ကျေးရွာအုပ်စု၊ ကျက်တောပြင်ကျေးရွာရှိ ပေါ်ဆန်းရင် စပါးမျိုးစေ့ထုတ်စိုက်ခင်း (၄၅) ဧကကို ရခိုင်ပြည်နယ် စိုက်ပျိုးရေးဦးစီးဌာန ပြည်နယ်မျိုးစေ့တာဝန်ခံနှင့် တာဝန်ရှိသူများက