ရန်ကုန်တိုင်းဒေသကြီး မြောက်ပိုင်းခရိုင် လှိုင်သာယာ(အနောက်ပိုင်း)မြို့နယ် အမှတ်(၂၀)ရပ်ကွက် ဝေပုလ္လလမ်းတွင် မိုးတွင်းကာလ သွားလာမှု အဆင်ပြေစေရန် မြေသားလမ်းများမှ ကွန်ကရစ်လမ်းအဖြစ် အဆင်မြှင့် ဆောင်ရွက်နေမှုအား ယမန်နေ့ မွန်းလွဲပိုင်းက လှိုင်သာယာမြို့နယ် အမှတ်(၂)တိုင်းဒေသကြီး လွှတ်တော်ကိုယ်စားလှယ် ဦးမြတ်မင်းသူ၊ ရပ်/ကျေး အလုပ်အမှုဆောင်နှင့်  တာဝန်ရှိသူများက ရေရှည်ခိုင်ခံ့မှုရှိစေရေး ကွင်းဆင်းကြည့်ရှုခဲ့ကြသည်။

ဧရာဝတီတိုင်းဒေသကြီး၊ ဖျာပုံခရိုင်၊ အမာမြို့မွေးမြူရေးနှင့်ကုသရေးဦးစီးဌာန၌ ကိုဗစ်-၁၉ ကာလ စီးပွားရေးအပေါ် ထိခိုက်မှု သက်သာရေးစီမံချက်(CERP)အရ ဖွင့်လှစ်သော တိရိစ္ဆာန် ကျန်းမာရေး စောင့်ရှောက်မှုသင်တန်း ဖွင့်လှစ်ခဲ့ကြောင်း သိရသည်။

နမ္မတူ ၂၁ ဇူလိုင် 

 

၂၀၂၀ပြည့်နှစ် ဇူလိုင်လ (၁၉) ရက်​နေ့တွင် ထုတ်​ဝေသည့် ​ဗိုလ်ချုပ်​အောင်ဆန်းရုပ်ပုံပါ​ငါးရာကျပ်တန် ​ငွေစက္ကူပုံစံသစ်အားယ​နေ့ နံနက်ပိုင်းမှစတင်ကာ မြန်မာစီးပွား​ရေးဘဏ်များတွင် ဖြန့်​ဝေ​ပေးလျက်ရှိ​​ရာ ကျောက်တံတားမြို့နယ် ​မြန်မာ့စီးပွား​ရေးဘဏ် ဘဏ်ခွဲ(၂)တွင်လည်းနေရာ​ဒေသအသီးသီးမှ ပြည်သူများမှ နံနက်ပိုင်းမှစတင်ကာပျော်ရွှင်စွာ  လာ​ရောက်ထုတ်ယူ​လျက်ရှိ​ကြောင်းသိရသည်။

မကွေးတိုင်းဒေသကြီး   အောင်လံမြို့နယ်တွင် ယမန်နှစ်ကထက် ကြံစိုက်ဧက တစ်ထောင်ခန့် လျော့နည်းသွား ခဲ့ပြီး ကြံစိုက်ပျိုးမှု လျော့နည်းသွားခြင်းမရှိစေရန် တောင်သူနှင့် လုပ်ငန်းရှင်များအကြား ဈေးကွက်ကိုထိန်းကြောင်းရန် လိုအပ်နေ ကြောင်း အောင်လံမြို့နယ် စိုက်ပျိုးရေးဦးစီးဌာနမှ သိရသည်။