အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာနနှင့် ILO တို့ပူးပေါင်း၍ အမျိုးသားအဆင့်အဓမ္မ ခိုင်းစေမှုဆိုင်ရာ တိုင်ကြားမှုယန္တရား (National Complaints Mechanism-NCM) လည်ပတ်အကောင်အထည်ဖော် မှုနှင့် ရှေ့ဆက်ဆောင်ရွက်မည့်အစီအစဉ်များနှင့် ပတ်သက်၍ အမျိုးသားအဆင့် အဓမ္မခိုင်းစေမှုဆိုင်ရာ တိုင်ကြားမှု ယန္တရား အကောင်အထည်ဖော်ရေး အမျိုးသားကော်မတီ၏ ပထမအကြိမ် ညှိနှိုင်းအစည်းအဝေးကို ယနေ့နံနက် ၉ နာရီခွဲတွင် အဆိုပါဝန်ကြီးဌာန အစည်းအဝေးခန်းမတွင်ကျင်းပသည်။

မြန်မာနိုင်ငံ အမျိုးသားလူ့အခွင့်အရေးကော်မရှင်မှ အဖွဲ့ဝင် ဦးကျော်မြင့်နှင့် ဦးကျော်စိုးတို့ ဦးဆောင်သော ကြည့်ရှု စစ်ဆေးရေးအဖွဲ့သည် ဇူလိုင် ၁၅ ရက်တွင် ရမည်းသင်း-အကျဉ်းထောင်၊ ရမည်းသင်းမြို့ပေါ်ရှိ တရားရုံး၊ ဆေးရုံ၊ ရဲစခန်းအချုပ်ခန်းများကို လည်းကောင်း၊ ဇူလိုင် ၁၆ ရက်တွင် ကင်းသာ (၁၊ ၂) ကုန်ထုတ်စခန်းများကိုလည်းကောင်း၊ ဇူလိုင် ၁၇ ရက်တွင် ပျဉ်းမနားမြို့မ ရဲစခန်း၊ အချုပ်ခန်း၊ နေပြည်တော် အချုပ်ထောင်တို့ကိုလည်းကောင်း ကြည့်ရှု စစ်ဆေးသည်။

အလုပ်သမား၊ လူဝင်မှုကြီးကြပ်ရေးနှင့် ပြည်သူ့အင်အားဝန်ကြီးဌာန ဒုတိယဝန်ကြီး ဦးမြင့်ကြိုင်၊ ရန်ကုန်တိုင်း ဒေသကြီးအစိုးရအဖွဲ့၊ လူဝင်မှုကြီးကြပ်ရေးနှင့် လူ့စွမ်းအားအရင်းအမြစ်ဝန်ကြီး ဒေါ်မိုးမိုးစုကြည်၊ တိုင်းဒေသကြီး လွှတ်တော်ကိုယ်စားလှယ် ဦးရန်အောင်မင်းတို့သည် ဇူလိုင် ၁၅ ရက် နံနက် ၉ နာရီတွင် ရွှေပြည်သာမြို့နယ်၊ လူဝင်မှုကြီးကြပ်ရေးနှင့် ပြည်သူ့အင်အားဆိုင်ရာ မြို့နယ်ဦးစီးမှူးရုံး၌ ရပ်ကွက်ပြည်သူများကို နိုင်ငံသား စိစစ်ရေး ကတ်ပြား ထုတ်ပေးနိုင်ရေးအတွက် ဝန်ထမ်းများက အချက်အလက်များ ကောက်ယူဖြည့်သွင်းဆောင်ရွက်ခြင်း လုပ်ငန်းအား ကိုဗစ်-၁၉ ကာလအတွင်း ကျန်းမာရေးနှင့် အားကစားဝန်ကြီးဌာန၏ ညွှန်ကြားချက်နှင့်အညီ ဆောင်ရွက်ပေးနေမှုကို လှည့်လည်ကြည့်ရှုအားပေးသည်။ 

မွန်ပြည်နယ် မုဒုံမြို့နယ်တွင် မဲပေးပိုင်ခွင့်ရှိသူ ၁၇၅၇၁၂ ကျော်ရှိပြီး မဲရုံးပေါင်း (၁၀၀) ဖွင့်လှစ်ရန် လျာထားကြောင်း မြို့နယ်ရွေးကောက်ပွဲကော်မရှင်အဖွဲ့ခွဲမှ သိရသည်။

မကွေးတိုင်းဒေသကြီး ရေစကြိုမြို့နယ် နွယ်နီကျွန်းကျေးရွာနှင့် မအူငယ်ကျေးရွာတို့တွင် ချင်းတွင်းမြစ်ရေတိုက်စား၍ ကြိုတင်ပြောင်းရွှေ့ခဲ့ရသော ............

ချင်းပြည်နယ် ဟားခါးမြို့ ပြည်တော်သာမြို့မစျေး၌ ယနေ့ နံနက် ၉ နာရီခွဲက ပြည်နယ်အစားအသောက်နှင့် ဆေးဝါးကွပ်ကဲရေးဉီးစီးဌာနမှ ကွင်းဆင်းစစ်ဆေးခဲ့ကြောင်း သိရသည်။