ကရင်ပြည်နယ်၊ ဘားအံခရိုင်၊ ရှမ်းရွာသစ်မြို့ လမ်းဦးစီးဌာနက ဒေသနေပြည်သူများ ရာသီမရွေး သွားလာရလွယ်ကူစေရန်နှင့် မြို့အင်္ဂါရပ်နှင့်အညီ ဒေသဖွံ့ဖြိုးတိုးတက်စေရန် ရည်ရွယ်ပြီး ဖွံ့ဖြိုးရေးလုပ်ငန်းများကို ဆောင်ရွက်လျက်ရှိရာ ရှမ်းရွာသစ် - လှိုင်းဘွဲကားလမ်းပေါ်ရှိ ပေ(၃၀) တံတား မြေထိန်းနံရံနှင့် ရေလမ်းကြောင်း ပြုပြင်ရေးလုပ်ငန်းကို ယခုနှစ် ဧပြီလတတိယပတ်က စတင်ဆောင်ရွက်ခဲ့ရာ ယခုအခါ ၉၅ ရာခိုင်နှုန်း ဆောင်ရွက်ပြီးစီးပြီဖြစ်ကြောင်း သိရသည်။

ချင်းပြည်နယ် လယ်ယာမြေစီမံခန့်ခွဲရေးနှင့် စာရင်းအင်းဉီးစီးဌာနမှ ကြီးမှူး၍ ဟားခါးမြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနရုံးက ဖွင့်လှစ်သည့် လုပ်ငန်းခွင်မြေတိုင်းတာခြင်းနှင့် မြေစာရင်း သင်တန်းဖွင့်ပွဲအခမ်းအနားကို ယမန်နေ့ နံနက် ၉ နာရီခွဲက ဟားခါးမြို့နယ် လယ်ယာမြေစီမံခန့်ခွဲရေးနှင့် စာရင်းအင်းဦးစီးဌာနရုံး သင်တန်းခန်းမ၌ ကျင်းပရာ အခမ်းအနားသို့ ချင်းပြည်နယ် စိုက်ပျိုးရေး၊ မွေးမြူရေး၊ သစ်တောနှင့် သတ္တုဝန်ကြီး ဦးမန်ဟင်းဒါးလ်၊ ပြည်နယ်အစိုးရအဖွဲ့ အတွင်းရေးမှူး ဦးတိုးဝင်း၊ ပြည်နယ်၊ ခရိုင်၊ မြို့နယ်အဆင့် ဌာနဆိုင်ရာ တာဝန်ရှိသူများနှင့် ချင်းပြည်နယ်အတွင်းရှိ သက်ဆိုင်ရာမြို့နယ်များမှ သင်တန်းသားများ တက်ရောက်ခဲ့ကြသည်။    

ကရင်ပြည်နယ်၊ ဖာပွန်ခရိုင်၊ ဖာပွန်မြို့တွင် ကရင်ပြည်နယ်အစိုးရအဖွဲ့၏ ၂၀၁၉-၂၀၂၀ ဘဏ္ဍာနှစ်၊ ငွေလုံးငွေရင်း ခွင့်ပြုရန်ပုံငွေဖြင့် မြို့တွင်းရေစီးရေလာ ကောင်းမွန်ရေးအတွက် လုပ်ငန်းများ ဆောင်ရွက်လျက်ရှိရာ ယခုအခါ အမှတ် (၁) ရပ်ကွက်၊ မြို့စောင့်လမ်းထိပ်တွင် Box Culvert တစ်စင်း ပြုလုပ်နေကြောင်း သိရသည်။

စစ်ကိုင်းတိုင်းဒေသကြီး၊ ကသာခရိုင်၊ ထီးချိုင့်မြို့နယ်တွင်  ၂၀၁၉-၂၀၂၀ ဘဏ္ဍရေးနှစ်အတွင်း ပြည်ထောင်စုလွှတ်တော်ဖွံ့ဖြိုးရေးရန်ပုံငွေ‌ဖြင့် တည်ဆောက်လျက်ရှိသော ဒေသဖွံ့ဖြိုး‌‌ရေးလုပ်ငန်းများအား ယမန်‌‌နေ့ မွန်းလွဲ ၂ နာရီက ကွင်းဆင်းစစ်ဆေးခဲ့သည်။

ချင်းပြည်နယ်၊ တီးတိန်မြို့၌ မြို့နယ်ရွေးကောက်ပွဲကော်မရှင်အဖွဲ့ခွဲအနေဖြင့် ၂၀၂၀ ပြည့်နှစ် အထွေထွေရွေးကောက်ပွဲ အောင်မြင်စွာကျင်းပနိုင်ရေး လုပ်ငန်းညှိနှိုင်းအစည်းအဝေးကို ယမန်နေ့ နံနက် ၁၁ နာရီက ခွါဒိုခန်းမ၌ ပြုလုပ်သည်။

 မကွေးတိုင်းဒေသကြီး မင်းဘူးခရိုင် ငဖဲမြို့နယ် အတွင်းရှိမန်းချောင်းရေလှောင်တမံ ဆည်ရေသောက်ဧရိယာအတွင်း လက်ဝဲမြောင်းမကြီး ရေထုတ်ပေါက်အမှတ် ၁ မှ ၁၀ အထိ စိုက်ပျိုးရေ အသုံးချလျက်ရှိသော တောင်သူများအတွက် ရေအသုံးချသူများအဖွဲ့ (WUG)အား သက်ဆိုင်ရာ ရေထုတ်ပြွန်အလိုက်ဖွဲ့စည်းခြင်းကို ဇူလိုင် ၆ ရက် နံနက်ပိုင်းက ငဖဲမြို့နယ် ချောင်းဖြူကျေးရွာဓမ္မာရုံနှင့် မွန်းလွဲပိုင်းတွင် ပင်ဦးကျေးရွာဓမ္မာရုံတို့၌ ကွင်းဆင်းဖွဲ့စည်းဆောင်ရွက်ခဲ့ကြောင်း သိရသည်။