အမျိုးသားမြို့ပြမူဝါဒရေးဆွဲရေး ကော်မတီအစည်းအဝေး (၁/၂၀၂၀)ကို  ယနေ့ မွန်းလွဲ ၁ နာရီခွဲတွင် နေပြည်တော်ရှိ ဆောက်လုပ်ရေးဝန်ကြီး ဌာနအစည်းအဝေးခန်းမ၌ ကျင်းပသည်။

လျှပ်စစ်နှင့်စွမ်းအင်ဝန်ကြီးဌာန ဒုတိယဝန်ကြီး(စွမ်းအင်) ဒေါက်တာထွန်းနိုင်သည် ဖေဖော်ဝါရီ ၂ ရက်တွင် ဧရာဝတီတိုင်းဒေသကြီး၊ ပုသိမ်ခရိုင်၊ ကန်ကြီးထောင့်မြို့နယ်ရှိ အမှတ်(၅) ဓာတ်မြေသြဇာစက်ရုံ (ကန်ကြီးထောင့်) သို့ သွားရောက်ကြည့်ရှုစစ်ဆေးသည်။

ပြန်ကြားရေးဝန်ကြီးဌာန ပြန်ကြားရေးနှင့် ပြည်သူ့ဆက်ဆံရေးဦးစီးဌာန၏ စွမ်းရည်မြှင့် သင်တန်း(၁/၂၀၂၀) ဖွင့်ပွဲအခမ်းအနားကို ယနေ့နံနက် ၉ နာရီတွင် နေပြည်တော်ရှိ ပြန်ကြားရေးနှင့် ပြည်သူ့ဆက်ဆံရေးဦးစီးဌာနရုံးချုပ် သင်တန်းကျောင်း၌ ကျင်းပသည်။

ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဦးအုန်းမောင်နှင့် ဒုတိယဝန်ကြီး ဦးတင်လတ်တို့သည် ယမန်နေ့နံနက်ပိုင်းတွင် ဟဲဟိုးလေဆိပ်သို့ ရောက်ရှိပြီး ပြည်တွင်း ပြည်ပခရီးသွားများ မြန်မာနိုင်ငံဆိုင်ရာ သတင်းအချက်အလက်များအား အလွယ်တကူ ရယူသိရှိ နိုင်ရန်အတွက် ဟဲဟိုးလေဆိပ်ရှိ Information Counter ၌ QR Code နှင့် digital concierge   တပ်ဆင်ခြင်း အခမ်းအနားသို့ တက်ရောက်ခဲ့ပြီး ခရီးသွားများ QR Code  အသုံးပြု၍ သတင်း အချက်အလက်ရယူနေမှုများအား ကြည့်ရှုအားပေးသည်။

လယ်ယာထုတ်ကုန်စီမံခန့်ခွဲရေးအဖွဲ့၏ ညှိနှိုင်းအစည်းအဝေးကို ယနေ့နံနက် ၁၀နာရီတွင် စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၌  ကျင်းပသည်။

အဂတိလိုက်စားမှု တိုက်ဖျက်ရေးကော်မရှင်သည် ဒိန်းမတ်နိုင်ငံသံရုံး၊ UNODC တို့၏ ကျွမ်းကျင်မှုနည်းပညာအကူအညီဖြင့် အဂတိလိုက်စားမှုတိုင်းတာခြင်း အခြေခံသင်တန်း (Training on Measuring Corruption) ဖွင့်ပွဲကို ယနေ့ နံနက် ၉ နာရီတွင် နေပြည်တော်ရှိ သင်္ဂဟဟိုတယ်၌ ကျင်းပသည်။