ကမ္ဘောဇဘဏ်သည် ရခိုင်ပြည်နယ်အတွင်းရှိ Facility Quarantine ဝင်နေသော စောင့်ကြည်လူနာများ၏ စားနပ်ရိက္ခာအတွက် ငွေကျပ်သိန်း ၃ဝဝကို ဧပြီ ၂၈ ရက်တွင် ရခိုင်ပြည်နယ်အစိုးရအဖွဲ့သို့ သွားရောက်လှုဒါန်းခဲ့ရာ ရခိုင်ပြည်နယ်ဝန်ကြီးချုပ် ဦးညီပုမှ လက်ခံရယူခဲ့သည်။

(၂၉-၄-၂၀၂၀ ရက် ည (၈) နာရီ)

 

တနင်္သာရီတိုင်းဒေသကြီး မြိတ်မြို့တွင် ကိုဗစ်-၁၉ ရောဂါ ကာကွယ်ထိန်းချုပ်ရေးကာလ၌ စက်ရုံအလုပ်ရုံများအား ကျန်းမာရေးနှင့် အားကစားဝန်ကြီးဌာန၏ အကြံပြုချက်၊ သတ်မှတ်ချက်များနှင့်အညီ လိုက်နာဆောင်ရွက်ခြင်း ရှိ မရှိကို လွှတ်တော်ကိုယ်စားလှယ်နှင့် ဌာနဆိုင်ရာပူးပေါင်းအဖွဲ့မှ ယနေ့ နံနက်ပိုင်းမှစတင်ကာ ကွင်းဆင်းစစ်ဆေးလျက်ရှိသည်။