တနင်္သာရီတိုင်းဒေသကြီး သမဝါယမဦးစီးဌာန၊ ငွေစုငွေချေး သမဝါယမအသင်းလီမိတက်က ကိုဗစ်-၁၉ ရောဂါ ဖြစ်ပွားနေစဉ် ကာလတွင် အသင်းသား ဝန်ထမ်း(၁၉၃)ဦးအား ထောက်ပံ့စ္စည်းများပေးအပ်ပွဲကို ယမန်နေ့ ညနေပိုင်းက ထားဝယ်မြို့၊ တိုင်းဒေသကြီး သမဝါယမဦးစီးဌာန၌ ကျင်းပခဲ့သည်။

မကွေးတိုင်းဒေသကြီး၊ မင်းဘူးမြို့တွင် ပြည်ပမှ ပြန်လည်ဝင်ရောက်လာမည့်သူများအား Facility Quaranatine ၂၁ ရက် စောင့်ကြည့်နေရာချထားရေးအတွက် ကြိုတင်ပြင်ဆင်ဆောင်ရွက်ခြင်းကို မင်းဘူးမြို့၊ အမှတ်(၁) အခြေခံပညာ အထက်တန်းကျောင်း၌ ဆောင်ရွက်လျက်ရှိကြောင်း သိရသည်။ 

ကချင်ပြည်နယ်၊ ရွှေကူမြို့နယ်တွင် ကိုဗစ်−၁၉ ရောဂါ ကာကွယ်၊ ထိန်းချုပ်ကုသရေးလုပ်ငန်းများ ဆောင်ရွက်ရာတွင် အသုံးပြုနိုင်ရေးအတွက် ငွေကျပ် သိန်း ၁၀၀ ပေးအပ်လှူဒါန်းပွဲကို ယနေ့ နံနက် ၁၀ နာရီတွင် မြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမ၌ ကျင်းပခဲ့သည်။

ချင်းပြည်နယ်အတွင်း ကိုဗစ်-၁၉ ရောဂါ ထိန်းချုပ်ရေးနှင့် အရေးပေါ်တုံ့ပြန်ရေးကာလအတွင်း ဆေးရုံများတွင် အသုံးပြုနိုင်ရန်အတွက် တံတားဦးစီးဌာန၊ တံတားစီမံကိန်းအဖွဲ့(၁)မှ ငွေကျပ် သိန်း ၅၀ တန်ဖိုးရှိ ဆေးနှင့် ဆေးရုံသုံး ပစ္စည်းများ လှူဒါန်းပွဲကို ယနေ့ မွန်းလွဲ ၁ နာရီက ချင်းပြည်နယ်အစိုးရအဖွဲ့ရုံး၊ ဝန်ကြီးချုပ်ရုံးခန်း၌ ပြုလုပ်ခဲ့သည်။

ပခုက္ကူမြို့နယ်ရှိ စက်ရုံ၊ အလုပ်ရုံများ ပုံမှန်လည်ပတ်နိုင်ရေးနှင့် ကိုဗစ်-၁၉ ရောဂါကြိုတင်ကာကွယ်ရေး ဆောင်ရွက်ထားမှုကို ယနေ့ နံနက် ၉ နာရီက တာဝန်ရှိသူများက ကွင်းဆင်းစစ်ဆေးခဲ့သည်။