အလှူရှင်/စေတနာရှင်များ ပူးပေါင်း၍ မန္တလေးမြို့၊ ချမ်းအေးသာစံမြို့နယ်အတွင်းရှိ အသက် ၈၅ နှစ်အထက် နွမ်းပါးသည့် အဘိုးအဘွားများအား အိမ်တိုင်ရာရောက် ပစ္စည်းများထောက်ပံ့လှူဒါန်းခြင်းကို ဧပြီ ၂၈ ရက်က ပြုလုပ်ခဲ့သည်။

ဧရာဝတီတိုင်းဒေသကြီး၊ မော်လမြိုင်ကျွန်းမြို့နယ်တွင် ယမန်နေ့က မိုးသည်းထန်စွာရွာသွန်းပြီး လေပြင်းတိုက်ခတ် မှုကြောင့် နေအိမ် (၇)လုံး ပြိုလဲပျက်စီးခဲ့ပြီး နေအိမ် (၃) လုံးနှင့် ဘုန်းတော်ကြီးကျောင်း (၁) ကျောင်း ပျက်စီးခဲ့သည်။    

ထိုင်း - မြန်မာ နယ်စပ် မြဝတီမြို့တွင် အသေးစား အလတ်စား စက်ရုံအလုပ်ရုံများတွင် ကျန်းမာရေးဝန်ကြီးဌာန၏ ထုတ်ပြန်ချက်များအား လိုက်နာမှုရှိမရှိ လိုက်လံ စစ်ဆေးလျက်ရှိပြီး စစ်ဆေးနေသည့် သတ်မှတ်ကာလအတွင်း လုပ်ငန်းလည်ပတ်မှု ယာယီ ရပ်ဆိုင်းထားရလျက်ရှိကြောင်း မြို့နယ်အလုပ်သမား ညွှန်ကြားရေးဦးစီးဌာနမှ သိရသည်။ 

ကိုဗစ်-၁၉ ကာကွယ်၊ ထိန်းချုပ်ကုသရေးနှင့် စပ်လျဉ်း၍ တိုင်းရင်းသားလက်နက်ကိုင် အဖွဲ့အစည်းများနှင့် ညှိနှိုင်းပူးပေါင်းရေးကော်မတီတို့ အသုံးပြုရန်အတွက် တိုင်းရင်းသားဘာသာစကား အသံဖိုင်များပါဝင်သည့် Hand Speaker များ လှူဒါန်းခြင်း အခမ်းအနားကို ယနေ့မွန်းလွဲပိုင်းက ရန်ကုန်မြို့၊ ရွှေလီလမ်းရှိ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန (NRPC) တွင် ကျင်းပသည်။