မြို့နယ်မှပြည်သူများနှင့် အနယ်နယ်အရပ်ရပ်မှ ပြည်သူများအား တိုင်းရင်းဆေးပညာဖြင့် ကျန်းမာရေး စောင့်ရှောက်ပေးမည့် ကျန်းမာရေးနှင့်အားကစားဝန်ကြီးဌာန တိုင်းရင်းဆေးပညာဦးစီးဌာန၏ (၁၆)ခုတင်ဆံ့ ကန့်ဘလူမြို့တိုင်းရင်းဆေးရုံဖွင့်ပွဲကို ဖေဖော်ဝါရီ ၂၉ ရက် နံနက် ၉ နာရီ ၁၀ မိနစ်က ကန့်ဘလူမြို့ အမှတ်(၃)ရပ်ကွက်ရှိ အဆိုပါဆေးရုံ၌ကျင်းပသည်။

ရေစကြိုမြို့နယ် ထန်းတော(ကူနီ)ကျေးရွာ၌ ရွှေမုဋ္ဌောဆုတောင်းပြည့်ဘုရားပွဲတော်နှင့် ရွှေကူနီပွဲကို ကျင်းပလျက်ရှိရာ ဖေဖော်ဝါရီ ၂၉ ရက်နေ့က ပွဲတော်လာဧည့်သည်များဖြင့် စည်ကားလျက်ရှိသည်။

မြန်မာနိုင်ငံဆိုင်ရာ အမေရိကန်သံရုံးနှင့် အာရှဖောင်ဒေးရှင်းတို့မှ မြန်မာနိုင်ငံ၏ ပညာရေးနှင့် စာတတ်မြောက်မှု ပိုမိုအားကောင်းစေရေးအတွက် "Book for Asia" အစီအစဉ်ဖြင့် ပူးပေါင်း၍ စာအုပ်များလှူဒါန်းပွဲ အခမ်းအနားကို ယနေ့နံနက် ၉ နာရီက မန္တလေးမြို့၊ ချမ်းအေးသာစံမြို့နယ်၊ ၂၆×၇၁ လမ်းထောင့်ရှိ အမေရိကန် ဂျက်ဖာဆန်စင်တာတွင် ကျင်းပပြုလုပ်သည်။

ရှမ်းပြည်နယ်(တောင်ပိုင်း)တောင်ကြီးခရိုင် ကလောမြို့နယ်တွင် One State - One Township Project အမှိုက်ကင်းစင်ရေးလုပ်ငန်းများ အရှိန်အဟုန်မပျက် ဆောင်ရွက်လျက်ရှိရာ ယနေ့နံနက် ၇ နာရီအချိန်က ကလောမြို့နယ် ပြည်သူ့လွှတ်တော်ကိုယ်စားလှယ် ဒေါပြုံးကေသီနိုင်၊ မြို့နယ်အုပ်ချုပ်ရေးမှူး ဦးခင်မင်း၊ ဒုတိယမြို့နယ်အုပ်ချုပ်ရေးမှုး ဦကျော်စန်းယု တို့  ဦးဆောင်မှုဖြင့် မြို့နယ်ဌာနဆိုင်ရာနှင့်ဝန်ထမ်းများ၊ ရပ်ကွက်အုပ်ချုပ်ရေးမှူးများနှင့် လူမှုရေးအသင်းအဖွဲ့များ၊ မြို့သန့်ရှင်းရေးကော်မတီဝင်များ ဒေသခံပြည်သူများ စုပေါင်း၍ ရှမ်းပြည်နယ်အစိုးရအဖွဲ့မှထောက်ပံ့သော အမှိုက်ပုံးများအား ကလောမြို့တွင်းနှင့် ရပ်ကွက်များထဲရှိ လမ်းမကြီးဘေးဝဲယာတွင် အမှိုက်ပုံး တစ်ရာ့ရှစ်ဆယ်ပုံး လိုက်လံထားရှိပြီး အမှိုက်များအား စုပေါင်းအမှိုက်ကောက်ခဲ့ကြောင်းသိရသည်။