ရန်ကုန်မြို့ ၊ ဗိုလ်ချုပ်ဈေးအရှေ့ဘက်တန်းရှိ ဗဟိုပန်းချီပန်းပု အစည်းအရုံးခန်းမ၌ မကွေးပန်းချီဆရာ(၁၆)ဦး၏ ပန်ချီကားလက်ရာတစ်ရာခန့်ကို ဇွန်လ ၁၉ရက်နေ့မှ ၂၃ရက်နေ့ထိ ၅ရက်ကြာ ခင်းကျင်းပြသ ရောင်းချသွားမည်ဖြစ်ပြီး ပညာရပ်မျိုးစုံဖြင့်ရေးဆွဲထားသည့်ပန်းချီကားများ ၊ အညာအငွေ့အသက်လက်ရာများကို ကြည့်ရှုခံစားနိုင်မည်ဖြစ်ကြောင်း သိရသည်။

စစ်ကိုင်းတိုင်းဒေသကြီး ရွှေဘိုခရိုင် ကုန်းလမ်းပို့ဆောင်ရေးညွှန်ကြားမှုဦးစီးဌာနနှင့် ခရိုင်မြန်မာ့အာမခံ လုပ်ငန်းတို့ ပူးပေါင်း၍ ခင်ဦးမြို့နယ် အထွေထွေအုပ်ချုပ်ရေးမှူးရုံး အစည်းအဝေးခန်းမ၌ ဇွန် ၁၅ ရက်နေ့ နံနက် ၉ နာရီမှ ညနေ ၅ နာရီအချိန်ထိ မော်တော်ဆိုင်ကယ် ယာဉ်မောင်းလိုင်စင်များကို နေ့ချင်းပြီး ဆောင်ရွက်ပေး လျက်ရှိကြောင်း သိရသည်။