မကွေးတိုင်းဒေသကြီး၊ ပွင့်ဖြူမြို့နယ်အတွင်း ဒေသခံတောင်သူများ သီးနှံစိုက်ပျိုးထုတ်လုပ်နေမှုအခြေအနေနှင့် စိုက်ပျိုးရေဖြန့်ဝေပေးမှုအခြေအနေများအား ................

တနင်္သာရီတိုင်းဒေသကြီး  တနင်္သာရီမြို့နယ် လူဝင်မှုကြီးကြပ်ရေးနှင့်ပြည်သူ့အင်အားဆိုင်ရာ ဦးစီးဌာနနှင့် ဒုက္ခသည်များဆိုင်ရာ နော်ဝေကောင်စီ(NRC)အဖွဲ့တို့ ပူးပေါင်း၍ မြို့နယ်နှင့်သွားလာရေး ခက်ခဲသော သိန္ဓောကျေးရွာအုပ်စု အတွင်းမှ ကျေးရွာခွဲများရှိ ဒေသခံတိုင်းရင်းသားများနှင့် အခြေခံပညာ ကျောင်းသူ/ကျောင်းသားများကို  အ.ထ.က(ခွဲ) သိန္ဓောရွာကျောင်း၌ စက်တင်ဘာ(၁၁ ရက်မှ ၁၃ ရက်)အထိ သုံးရက်တိတိ နိုင်ငံသားစိစစ်ရေးကတ်နှင့် အိမ်ထောင်စု လူဦးရေစာရင်းများကို (အခမဲ့)ကွင်းဆင်း ဆောင်ရွက်ပေးခဲ့ကြောင်း မြို့နယ်(လ.ဝ.က)မှ သိရှိရသည်။

စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူမြို့ အမှတ်(၅)ရပ်ကွက် အခြေခံအလယ်တန်းကျောင်း၌ မြို့နယ်ပြည်သူ့ကျန်းမာရေးဦးစီးဌာနမှ မိခင်သေဆုံးမှုလျှော့ချရေး အသိပညာပေးဟောပြောခြင်းနှင့်ကျန်းမာရေးစောင့်ရှောက်မှုလုပ်ငန်းများကို စက်တင်ဘာ ၁၃ ရက် နံနက် ၁၀ နာရီက ကျင်းပပြုလုပ်ခဲ့ကြောင်းသိရသည်။

မကွေးတိုင်းဒေသကြီး ဂန့်ဂေါခရိုင် ဆောမြို့နယ် စိုက်ပျိုးရေးဦးစီးဌာနမှ မိုးစပါး   မျိုးသန့်မျိုးပွားစိုက်ပျိုးသည့် ကျေးရွာများရှိ တောင်သူများထံ ဓါတ်မြေသြဇာနှင့် ရွက်ဖျန်းမြေသြဇာများ ထောက်ပံ့ပေးအပ်ပွဲ အခမ်းအနားကို ယမန်နေ့ မွန်းလွဲ ၁ နာရီက မြို့နယ်စိုက်ပျိုးရေးဦးစီးဌာနရုံးခန်းမ၌ ကျင်းပပြုလုပ်သည်။

ပဲခူးတိုင်းဒေသကြီး၊ မင်းလှမြို့နယ်တွင်   တောင်ကျချောင်းရေများကျဆင်းသွား၍ စက်တင်ဘာ ၁၄ ရက်က  စာသင်ကျောင်းများအားလုံး ပုံမှန်အတိုင်းဖွင့်လှစ် သင်ကြားလျက်ရှိကြာင်း သိရသည်။