ညအခါ မိုးပေါ်ကနေ တောက်ပတဲ့ အလင်းတန်းလေးအောက်ကို မြန်မြန်ကျဆင်းလာတာမျိုး ကလေးတို့ မြင်ဖူးကြသလား။ မြို့ကြီးတွေက ကလေးတွေအတွက် အထူးအဆန်းဖြစ်နေမှာပဲနော်။ မြို့ပြမှာ မီးအလင်းရောင် တွေကြောင့် မိုးပေါ်မှာ လမင်းကြီးသာနေတာတောင် သတိမထားမိကြတာ များတယ်။ ကျေးလက်ဒေသမှာ နေကြသူတွေအဖို့တော့ ကြယ်ကြွေတာမျိုးကို မကြာခဏ မြင်နိုင်တာပေါ့။ ဒီည (ဒီဇင်ဘာ ၁၃ ရက်ည)မှာတော့ ထူးထူးခြားခြားမိုးရွာသလိုမျိုး ကြယ်လေးတွေတဖြုတ်ဖြုတ် ကြွေကျလာမှာဆိုပြီး နက္ခတ်တာရာတွေကို စောင့်ကြည့်ကြတဲ့ ပညာရှင်တွေက ဆိုထားပါတယ်။