ပခုက္ကူမြို့နယ် Pact Global Microfinance Fund မှ ကိုဗစ်-၁၉ရောဂါကာကွယ်ဆေးဝယ်ယူနိုင်ရေးအတွက် ဇန်နဝါရီ ၂၉ရက် နံနက် ၁၀နာရီက ပခုက္ကူမြို့၊ ကိုဗစ်-၁၉ အထောက်အကူပြုလုပ်ငန်းကော်မတီထံ ငွေကျပ် ၁၂ သိန်း ပေးအပ်လှူဒါန်းသည်။ 

ရှမ်းပြည်နယ်(မြောက်ပိုင်း)၊ မူဆယ်မြို့၌ ကျန်းမာရေးဝန်ထမ်းများကို ဇန်နဝါရီ ၂၈ ရက် နံနက်ပိုင်းက မြို့နယ်ပြည်သူ့ဆေးရုံ၌ ကိုဗစ်-၁၉ ရောဂါ ကာကွယ်ဆေးများ စတင်ထိုးနှံပေး လျက်ရှိရာ  ဇန်နဝါရီ ၂၉ ရက် နံနက်ပိုင်းက အားကစားနှင့် ကျန်းမာရေးဝန်ကြီးဌာန လက်အောက်ရှိ ဝန်ထမ်းများအား ဆက်လက်ထိုးနှံပေးလျက်ရှိကြောင်း မူဆယ်ခရိုင် ပြည်သူ့ဆေးရုံမှ သိရသည်။

ကျန်းမာရေးနှင့်အားကစားဝန်ကြီးဌာန လက်အောက်ရှိ ဝန်ထမ်းများအား  COVISHIELD ကာကွယ်ဆေးအား ပထမအကြိမ်အဖြစ် စတင်ထိုးနှံပေ

ဧရာဝတီတိုင်းဒေသကြီး၊ မအူပင်ခရိုင်၊ ပန်းတနော်မြို့တွင်  ကိုဗစ်-၁၉ ရောဂါ ကာကွယ်ဆေး ပထမအကြိမ် စတင်ထိုးနှံခြင်းကို ဇန်နဝါရီ ၂၇ ရက်နေ့မှ စတင်၍ ပန်းတနော်မြို့နယ် ပြည်သူ့ဆေးရုံကြီး၌  ကျန်းမာရေးဝန်ထမ်းများအား ထိုးနှံပေးလျက်ရှိကြောင်း သိရသည်။