တရုတ်နိုင်ငံမှ မြန်မာ့ရေထွက်ကုန်များကို ကိုဗစ်ကင်းစင်ကြောင်း ထောက်ခံချက်ပါမှသာ တင်သွင်းခွင့်ပြုမည်ဟု တရုတ်ပြည်သူ့သမ္မတနိုင်ငံ၊ အကောက်ခွန် အထွေထွေအုပ်ချုပ်မှု အာဏာပိုင်အဖွဲ့၊ အပင်နှင့် တိရစ္ဆာန်ရောဂါ ထိန်းချုပ်ရေးဌာန (Department of Animal and Plant Quarantine of the General Administration of Customs of China-GACC) မှ ပေကျင်းမြို့ရှိ မြန်မာသံရုံးသို့ အကြောင်းကြားလာကြောင်း သိရသည်။

ကယားပြည်နယ်အတွင်း      ကိုဗစ်-၁၉ ရောဂါကာကွယ်ဆေးများဝယ်ယူရန်အတွက် ရွှေကန္ဒရဝတီ ပညာရေးဖောင်ဒေးရှင်း တာဝန်ရှိသူများက အလှူငွေကျပ်သိန်း ၁၀ဝ ကို ယနေ့ နံနက်ပိုင်းက ကယားပြည်နယ်အစိုးရအဖွဲ့ရုံး၊ ပြည်နယ်ခေတ္တဝန်ကြီးချုပ်ရုံးခန်း၌ လာရောက်လှူဒါန်းခဲ့သည်။

ကိုးကန့်ကိုယ်ပိုင်အုပ်ချုပ်ခွင့်ရဒေသ၊ လောက်ကိုင်မြို့နယ်၊ ချင်းရွှေဟော်မြို့၌ မြန်မာ-တရုတ် နယ်စပ်ဂိတ်မှ ဝင်ရောက်လာသည့်    မြန်မာနိုင်ငံသား နေရပ်ပြန်ပြည်သူ ၄၅ ဦးအား ဇန်နဝါရီ ၂၁ ရက်က ပြည်သူ့ဆေးရုံ၌ Rapid Test Kit ဖြင့် စစ်ဆေးခဲ့ကြောင်း သိရသည်။

ရန်ကုန်တိုင်းဒေသကြီးမြောက်ပိုင်းခရိုင်၊ လှိုင်သာယာ(အနောက်ပိုင်း) မြို့နယ်၌ ကိုဗစ်−၁၉ ရောဂါ ကာကွယ်ထိန်းချုပ်ရေးအတွက် အဝါရောင် Mask Campaign ကို ဇန်နဝါရီ ၂၁ ရက် ညနေပိုင်းက အလယ်ကျေးရွာ ပိတောက်လမ်းရှိ ဈေးတန်းတွင် မြို့နယ်အထွေထွေအုပ်ချုပ်ရေးဦးစီးဌာနမှ မြို့နယ် အုပ်ချုပ်ရေးမှူးဦးနေမင်းထွန်းနှင့် တာဝန်ရှိသူများ၊ ရပ်ကွက်နေပြည်သူများ၊ လူမှုပရဟိတအဖွဲ့များက ပြုလုပ်ခဲ့သည်။