တရုတ်နှင့် ရုရှားနိုင်ငံတို့ကို တန်ပြန်နိုင်ရန် သြစတြေးလျနိုင်ငံက အမေရိကန်နိုင်ငံနှင့်ပူးပေါင်း၍ အသံ ထက်မြန်သော ခရုဇ်ဒုံးကျည်များ ပူးတွဲထုတ်လုပ်မည်ဟု ကာကွယ်ရေးဝန်ကြီး လင်ဒါရေးနိုးစ်က ယနေ့ ပြောကြားလိုက်သည်။

ကမ္ဘောဒီးယားနိုင်ငံတွင် ကိုဗစ်-၁၉ရောဂါ ဒေသတွင်းကူးစက်ခံရသူ သုံးဦးထပ်မံတွေ့ရှိခဲ့ရာ ပထမဆုံးလူအုပ်စု ကူးစက်ခံရသူ စုစုပေါင်း ၁၇ ဦး အထိ မြင့်တက်လာကြောင်း ကျန်းမာရေးဝန်ကြီးဌာနက  အင်္ဂါနေ့တွင် ထုတ်ပြန်ကြေညာခဲ့သည်။

ဝေလမှာ  ဗိုင်းရပ်စ်ပိုးထိန်းချုပ်ရေးစည်းမျဉ်းအရ ဧည့်ဝတ်ပြုတဲ့နေရာတွေမှာ အရက်သေစာ ရောင်းချခွင့်ပိတ်ပင်ကြောင်းနဲ့ ဆိုင်တွေကို စောစောပိတ်ရေးကို လာမယ့်သောကြာနေ့ကစပြီး ညွှန်ကြားသွားမယ်လို့ ဝေးလ်စ်အစိုးရက တနင်္လာနေ့က ကြေညာလိုက်ပါတယ်။

ဗြိတိန်မှ စကော့တလန် ခွဲထွက်ရေးအတွက် ၂၀၂၁ ခုနှစ်မှာ ဒုတိယအကြိမ် ဆန္ဒခံယူပွဲလုပ်ဆောင်ရေး နည်းလမ်းရှာသွားမယ်လို့ စကော့တလန်ဝန်ကြီးချုပ် နီကိုလာစတပ်ဂျန် တနင်္လာနေ့မှာ ပြောကြားလိုက်ပါတယ်။  အဲဒီလို ဆန္ဒခံယူပွဲလုပ်ဖို့ ဆိုတာ မေလမှာ ကျင်းပမယ့် ရွေးကောက်ပွဲမှာ သူမရဲ့ စကော့တစ်ရှ်အမျိုးသားပါတီ  (SNP) အနိုင်ရဖို့ လိုအပ်တာကို တွေ့ရပါတယ်။

ဩစတြေးလျနိုင်ငံတွင် ကိုဗစ်-၁၉ ရောဂါကူးစက်ပျံ့နှံ့မှုကြောင့် ကန့်သတ်ချက်များ လအတန်ကြာချမှတ်ခဲ့ပြီးနောက် ဗစ်တိုးရီးယားနှင့် နယူးဆောက်သ်ဝေးလ်စ်ပြည်နယ်တို့မှ ဒေသခံများအတွက် နိုင်ငံအရှေ့မြောက်ပိုင်းရှိ  ကွင်းစလန်ပြည်နယ် နယ်စပ်ဒေသများကို အင်္ဂါနေ့တွင် ပြန်လည်ဖွင့်လှစ်ပေးခဲ့သည်။