ဗြိတိန်ပရော်ဖက်ရှင်နယ် လက်ဝှေ့သမား တိုင်ဆန်ဖူရီဟာ ဒဗလျူဘီစီဟဲဗီးဝိတ်ပြိုင်ပွဲမှာ အမေရိကန် လက်ဝှေ့သမား ဒီအွန်တေးဝိုင်ဒါကို အနိုင်ရရှိခဲ့ပြီးနောက် ဗြိတိန်လက်ဝှေ့ကျော်တွေဖြစ်တဲ့ ဒီလီယန်ဝှိုက် ဒါမှမဟုတ် ဂျိုးဂျွိုင်စီနဲ့ ယှဉ်ပြိုင်ထိုးသတ်ဖို့ ဆန္ဒရှိနေတာကြောင့် လာမယ့်မတ်လအတွင်းမှာ လက်ဝှေ့ ကြိုးဝိုင်းအတွင်း ပြန်လာဦးမှာဖြစ်တယ်လို့ ထုတ်ဖော်ပြောကြားလိုက်ပြီ ဖြစ်ပါတယ်။ 

ဗြိတိန်တင်းနစ်အကျော်အမော် အန်ဒီမာရေးဟာ ဗီယင်နာအိုးပင်းတင်းနစ်ပြိုင်ပွဲရဲ့ အမျိုးသား တစ်ဦးချင်း ၁၆ ဦးအဆင့် ပြိုင်ပွဲအဖြစ် အောက်တိုဘာ ၂၇ ရက်က စပိန်ဆယ်ကျော်သက် တင်းနစ် ကစားသမား ကာလို့စ်အယ်ကာရက်ဇ်နဲ့ ယှဉ်ပြိုင်ကစားခဲ့ရာ ကာလို့စ်အယ်ကာရက်ဇ်ကို ရှုံးနိမ့်ခဲ့တာ ကြောင့် ပြိုင်ပွဲကနေထွက်ခဲ့ရပြီ ဖြစ်ပါတယ်။

မိုချန်ဂလာဘတ်ချ်အသင်းနဲ့ ဘိုင်ယန်မြူးနစ်အသင်းတို့ အောက်တိုဘာ ၂၇ ရက် ညပိုင်းက ယှဉ်ပြိုင်ကစား ခဲ့တဲ့ဂျာမန်ပိုကယ်ဖလားပြိုင်ပွဲဒုတိယအဆင့်ပွဲစဉ်မှာ မိုချန်ဂလာဘတ်ချ်ကို ငါးဂိုးပြတ်နဲ့ ရှုံးနိမ့်ခဲ့တာကြောင့် ဘိုင်ယန်မြူးနစ်အသင်းဟာ ၁၉၇၈ ခုနှစ်နောက်ပိုင်း ပထမဆုံးအကြိမ် ဂိုးပြတ်ရှုံးပွဲကြုံခဲ့ရပြီ ဖြစ်ပါတယ်။

ကာရာဘောင်ဖလား စတုတ္ထအဆင့်ပွဲစဉ်အဖြစ် ဝက်စ်ဟမ်းအသင်းနှင့် လက်ရှိချန်ပီယံ မန်စီးတီးအသင်းတို့ ပွဲစဉ်ကို အောက်တိုဘာ ၂၈ ရက် နံနက် ပိုင်းက ဝက်စ်ဟမ်းအိမ်ကွင်း၌ အကြိတ်အနယ် ယှဉ်ပြိုင်ကစားခဲ့ရာ သာမန်ပွဲကစားချိန်အတွင်း  ဂိုးမရှိသရေကျနေ၍ ပယ်နယ်တီအဆုံးအဖြတ် ခံယူခဲ့ရပြီး ပယ်နယ်တီ အဆုံးအဖြတ်တွင် ဝက်စ်ဟမ်းအသင်းကငါးဂိုး-သုံးဂိုးဖြင့် အနိုင်ရရှိကာ ကာရာဘောင်ဖလားပြိုင်ပွဲ နောက်တစ်ဆင့်သို့  တက်ရောက်နိုင်ခဲ့သည်။