ချန်ပီယံလိဂ် ၁၆ သင်းအဆင့် ပထမအကျော့ ပွဲစဉ်တွေထဲက အကောင်းဆုံးပွဲစဉ်တစ်ပွဲဖြစ်တဲ့ အင်တာမီလန်အသင်းနဲ့ လီဗာပူးအသင်းတို့ရဲ့ ပွဲစဉ်ကို ဖေဖော်ဝါရီ ၁၆ ရက် ညပိုင်းက အင်တာမီလန် အသင်းရဲ့ အိမ်ကွင်းဆန်စီယို၌ ယှဉ်ပြိုင်ကစားခဲ့ရာ လီဗာပူးအသင်းက အင်တာမီလန်အသင်းကို နှစ်ဂိုး ပြတ်နဲ့ အနိုင်ရရှိခဲ့ပါတယ်။

စပိန်လာလီဂါပွဲစဉ်(၂၄) အဖြစ် ဖေဖော်ဝါရီ ၁၆ ရက် ညပိုင်းက ယှဉ်ပြိုင်ကစားခဲ့တဲ့ အက်သလက် တီကိုမက်ဒရစ်အသင်းနဲ့ လီဗန် တေးအသင်းတို့ပွဲစဉ်မှာ လီဗန်တေးအသင်းဟာ အက်သလက်တီ ကို မက်ဒရစ်အသင်းကို တစ်ဂိုး-ဂိုး မရှိနဲ့ အနိုင်ရရှိခဲ့ပါတယ်။

ဩစတြေးလျပရော်ဖက်ရှင်နယ်လက်ဝှေ့သမား ဂျော့ကမ်ဘိုဆော့ဟာ ယူကရိန်းစူပါစတား လိုမာချန် ကိုနဲ့ ယှဉ်ပြိုင်ထိုးသတ်ဖို့ သဘောတူညီခဲ့ပြီဖြစ်ပါတယ်။ ဩစတြေးလျနိုင်ငံရဲ့ လိုက်ဝိတ်ချန်ပီယံ ဂျော့ကမ်ဘိုဆော့ဟာ လက်ရှိမှာ လိုက်ဝိတ်ပြိုင်ပွဲအဓိကငါးပွဲမှာ လေးပွဲအထိအနိုင်ရပြီး ချန်ပီယံခါးပတ် တွေ ရယူပိုင်ဆိုင်ထားသူလည်း ဖြစ်ပါတယ်။

ဗြိတိန်ပရော်ဖက်ရှင်နယ်တင်းနစ်ကစားသမား နှစ်ဦးဖြစ်တဲ့ အန်ဒီမာရေးနဲ့ ဒန်အီဗန်တို့ဟာ ကာတာ အိုးပင်းတင်းနစ်ပြိုင်ပွဲရဲ့ ၁၆ ဦးအဆင့်မှာ ပြိုင်ဘက်အသီးသီးကို ရှုံးနိမ့်ခဲ့တာကြောင့် ကာတာအိုးပင်း တင်းနစ်ပြိုင်ပွဲကနေ ထွက်ခဲ့ရပြီဖြစ်ပါတယ်။

ပရီမီယာလိဂ်ကလပ်အသင်းတွေဖြစ်တဲ့ မန်ယူအသင်း၊ လီဗာပူးအသင်း၊ ချယ်လ်ဆီးအသင်း၊ အာဆင်နယ်အသင်းနဲ့ နယူးကာဆယ်အသင်းတို့ဟာ လိဒ်ယူနိုက်တက်အသင်းရဲ့ အင်္ဂလန်ကွင်းလယ်  ကစားသမား ကယ်ဗင်ဖီးလစ်ကို စာချုပ်ချုပ်ဆိုခေါ်ယူသွားဖို့ စောင့်ကြည့်မှုတွေပြုလုပ်လျက်ရှိတယ်လို့ သိရပါတယ်။