ဗြိတိန်ပရော်ဖက်ရှင်နယ် လက်ဝှေ့သမား တိုင်ဆန်ဖူရီဟာ ဒဗလျူဘီစီဟဲဗီးဝိတ်ပြိုင်ပွဲမှာ အမေရိကန် လက်ဝှေ့သမား ဒီအွန်တေးဝိုင်ဒါကို အနိုင်ရရှိခဲ့ပြီးနောက် ဗြိတိန်လက်ဝှေ့ကျော်တွေဖြစ်တဲ့ ဒီလီယန်ဝှိုက် ဒါမှမဟုတ် ဂျိုးဂျွိုင်စီနဲ့ ယှဉ်ပြိုင်ထိုးသတ်ဖို့ ဆန္ဒရှိနေတာကြောင့် လာမယ့်မတ်လအတွင်းမှာ လက်ဝှေ့ ကြိုးဝိုင်းအတွင်း ပြန်လာဦးမှာဖြစ်တယ်လို့ ထုတ်ဖော်ပြောကြားလိုက်ပြီ ဖြစ်ပါတယ်။ 

ဗြိတိန်တင်းနစ်အကျော်အမော် အန်ဒီမာရေးဟာ ဗီယင်နာအိုးပင်းတင်းနစ်ပြိုင်ပွဲရဲ့ အမျိုးသား တစ်ဦးချင်း ၁၆ ဦးအဆင့် ပြိုင်ပွဲအဖြစ် အောက်တိုဘာ ၂၇ ရက်က စပိန်ဆယ်ကျော်သက် တင်းနစ် ကစားသမား ကာလို့စ်အယ်ကာရက်ဇ်နဲ့ ယှဉ်ပြိုင်ကစားခဲ့ရာ ကာလို့စ်အယ်ကာရက်ဇ်ကို ရှုံးနိမ့်ခဲ့တာ ကြောင့် ပြိုင်ပွဲကနေထွက်ခဲ့ရပြီ ဖြစ်ပါတယ်။