စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသရှိ လဟယ်မြို့တွင် ဇန်နဝါရီ ၁၄ ရက်မှ ၁၆ ရက်အထိ စည်ကားသိုက်မြိုက်စွာကျင်းပမည့် နာဂရိုးရာနှစ်သစ်ကူးပွဲတော်တွင် နာဂရိုးရာလက်မှု အထည်ဆိုင်မှ ရိုးရာအသုံးအဆောင်ပစ္စည်းများကို ဈေးနှုန်းသင့်တင့်မျှတစွာဖြင့် ရောင်းချပေးသွားမည် ဖြစ်ကြောင်း သိရသည်။

ပြိုင်ပွဲ ပထမနေ့အနေဖြင့် လွိုင်ကော်မြို့နယ်နှင့် ဒီးမော့ဆိုမြို့နယ်အတွင်းရှိ တိုင်းရင်းသားရိုးရာ ယဉ်ကျေးမှု အကအဖွဲ့ (၁၆) ဖွဲ့ တို့မှ ပါဝင်ယှဉ်ပြိုင်ဖျော်ဖြေခဲ့ကြသည်။

ရှမ်းပြည်နယ်(တောင်ပိုင်း) လင်းခေးခရိုင် မိုးနဲမြို့နယ်တွင်တည်ရှိသည့် ကျိုင်းတောင်းမြို့လေးနှင့် နမ့်တိန်းချောင်းတို့သည် မိုင်းကိုင်နယ်မှ စတင်မြစ်ဖျားခံကာ လဲချား၊ နမ့်စန်၊ မိုးနဲ၊ ကျိုင်းတောင်း၊ လင်းခေးဒေသများအား ကြည်လင်အေးမြစွာဖြင့် ဖြတ်သန်းစီးဆင်းပြီး သံလွင်မြစ်အတွင်းသို့ ပေါင်းစပ်စီးဝင်သွားသည်။

နာဂတောင်တန်းဒေသသည် မြန်မာပြည်အနောက်မြောက်ပိုင်း အိန္ဒိယနိုင်ငံ နယ်စပ်တွင်ရှိသော ဒေသဖြစ်သည်။ မြန်မာနိုင်ငံတွင် တိုင်းရင်းသားများ ကိုယ်ပိုင် အုပ်ချုပ်ခွင့်ရသော ဒေသကြီးငါးခုရှိရာ နာဂဒေသသည် ကိုယ်ပိုင်အုပ်ချုပ်ခွင့် ရသော ဒေသတစ်ခုအဖြစ်ပါဝင်သည်။ နာဂကိုယ်ပိုင်အုပ်ချုပ်ခွင့်ရဒေသတွင် လေရှီးမြို့(ပင်လယ်ရေ မျက်နှာပြင်အထက် ၄၄၄၃ ပေ)၊ လဟယ်မြို့ (ပင်လယ် ရေမျက်နှာပြင်အထက် ၄၃၁၃ ပေ)၊နန်းယွန်းမြို့ (ပင်လယ်ရေမျက်နှာပြင် အထက်ပေ ၁၁၀ဝ) တို့ပါဝင်သည်။

ချင်းပြည်နယ်မြောက်ပိုင်းတွင် များသောအားဖြင့် ကလေးများ သုံးရက်သား ရှိလျှင် ဆံရိတ်ပေးလေ့ရှိကြသည်။ အသက်အရွယ်ကြီးလာသောအခါ မိန်းမ၊ ယောကျာ်းအားလုံး ဆံရှည်ထားတတ်ကြသည်။ ရှေးအခါက ယောကျာ်းများ သည် နားဖောက်လေ့ရှိသည်။ နားဖောက်သည့်အခါတွင် နားနောက်မှ ကန်စွန်းဥ၊ ပိန်းဥ၊ ဘူးသီးခြောက်အခွံများခံ၍ ရှောက်ဆူး၊ ဖြူဆူးစသည်များဖြင့် ထိုးဖောက်လေ့ရှိပြီး နားပေါက်တွင် ပန်းစည်းကြိုးစသည်ဖြင့် အလှပန်ဆင် လေ့ရှိသည်။ မိန်းမများသည် ပယင်းကျောက်၊ မဟူရာစသော နားတောင်းကြီး များကို ပန်ဆင်လေ့ရှိသည်။