ကျေးလက် ကျန်းမာရေးဌာနခွဲ ဆေးပေးခန်းဖွင့်ပွဲနှင့် သားဖွားဆရာမနေအိမ် လွှဲပြောင်းပေးအပ်ပွဲကို ဇူလိုင် ၂၇ ရက် မွန်းလွဲပိုင်းက ကချင်ပြည်နယ်၊ ဆွမ်ပရာဘွမ်မြို့နယ်၊ ခါ့ဂရန်းယာန်ကျေးရွာတွင် ပြုလုပ်ခဲ့ကြောင်း သိရသည်။

မင်းဘူးခရိုင်၊ ငဖဲမြို့နယ်တွင် ၂၀၂၀ ပြည့်နှစ် အထွေထွေ ရွေးကောက်ပွဲအတွက် ကြိုတင်ပြင်ဆင်သည့် အနေဖြင့် ၂၀၁၉ ခုနှစ်ကို မဲဆန္ဒရှင်စာရင်း ပြုစုသည့်နှစ်အဖြစ် သတ်မှတ်ဆောင်ရွက်လျက်ရှိရာ လူဦးရေစာရင်း အချက်အလက်များကို ဇူလိုင် ၂၂ ရက်မှစ၍ မြို့ပေါ်ရပ်ကွက်များနှင့် ကျေးရွာများတွင် တစ်ပြိုင်နက် ကောက်ယူလျက်ရှိကြောင်း သိရသည်။

သစ်တောနှင့် ပတ်ဝန်းကျင်ဆိုင်ရာတက္ကသိုလ်၊ ရေဆင်း(နေပြည်တော်)မှ ဘွဲ့ကြိုတတိယနှစ်၊ စတုတ္ထနှစ်နှင့် ပဉ္စမနှစ်ကျောင်းသား ကျောင်းသူများသည် ဇူလိုင် ၂၇ ရက် ညနေ ၃ နာရီခွဲက သာစည်မြို့နယ် အပူပိုင်းဒေသ စိမ်းလန်းစိုပြည်ရေး ဦးစီးဌာနမှ ဆောင်ရွက်ထားသော ရွှေနတ်တောင် အဆိုပြု ကြိုးပြင်ကာကွယ်တော အခြားစိုက်ခင်း ၂၅ ဧကသို့ ကွင်းဆင်းလေ့လာခဲ့ကြောင်း သိရသည်။