ပို့ဆောင်ရေးနှင့်ဆက်သွယ်ရေးဝန်ကြီးဌာန၊ မြန်မာ့မီးရထား၏ ၂၀၁၈-၂၀၁၉ ဘဏ္ဍာနှစ် လုပ်ငန်းညှိနှိုင်းအစည်းအဝေးကို ဇူလိုင် ၄ ရက် နှင့် ၅ ရက်တွင် မြန်မာ့မီးရထားရုံးချုပ် ဘဝသံသရာ ခန်းမ၌ ကျင်းပသည်။

တောင်ကုတ်မြို့နယ်တွင် ဇူလိုင် ၄ ရက်ညပိုင်းက မိုးအဆက်မပြတ် ရွာသွန်းမှုကြောင့် ကြိုးကြားကွင်း အုပ်စုဘက်မှ တောင်ကျရေများ စီးဝင်လာပြီး ရေထွက်ပေါက်နည်း၍ ရေစီးရေလာ ကောင်းမွန်မှုမရှိသော တောင်ကုတ်မြို့ ကံပိုင်ရပ်ကွက် သံတွဲလမ်းခွကွက်သစ်နှင့် တောင်ကုတ် - ပြည် လမ်းမကြီး အ.ထ.က (၁) နှင့် စီမံကိန်းရုံးအကြား ရေကျော်မှုများကြောင့် သိမ်တောင်ရပ်ကွက်ရှိ စဉ့်အိုးကြီးအနီး ရပ်ကွက်တို့တွင် ဇူလိုင် ၅ ရက် နံနက်  ၄ နာရီမှ စတင်ကာ ရေကြီးနစ်မြုပ်လျှက်ရှိကြောင်း သိရသည်။

မြန်မာနိုင်ငံအင်ဂျင်နီယာကောင်စီအနေဖြင့် နိုင်ငံတကာအဆင့် အင်ဂျင်နီယာပညာရေး အသိအမှတ်ပြုခံရရေးကို ကြိုးပမ်းဆောင်ရွက်လျက်ရှိကြောင်း လမ်းမတော်မြို့နယ် မြန်မာနိုင်ငံ အင်ဂျင်နီယာကောင်စီရုံးတွင် ယနေ့ကျင်းပသော သတင်းစာရှင်းလင်းပွဲမှ သိရသည်။