မွန်ပြည်နယ် သထုံမြို့နယ် တင်လှိုင်ရပ်ကွက် အရှေ့ပိုင်းရှိ နေအိမ်တွင် ရေတွင်းဆယ်ယူရာမှ စက်သီးချိတ်လန်ပြီး ရေတွင်းထဲ ပြုတ်ကျသူအား သထုံခရိုင် မိးသတ်ဦးစီးမှူးရုံးမှ မီးသတ်တပ်ဖွဲ့ဝင်များက ဆယ်ယူခြင်းလုပ်ငန်းများ ဆောင်ရွက်ပေးခဲ့ပြီး သထုံခရိုင် ပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း မြန်မာနိုင်ငံ မီးသတ်တပ်ဖွဲ့မှ သိရသည်။

စာမဖတ်သူပပျောက်ရေးနှင့် စာဖတ်သည့်အလေ့အထ ရှင်သန်အားကောင်းစေရန်အတွက် နိုင်ငံတကာ စာအုပ်စာစောင်များနေ့ အထိမ်းအမှတ် စာအုပ်စာပေပြပွဲနှင့် စာဖတ်ဝိုင်းကို ယနေ့ မွန်းလွဲ ၁ နာရီက ဖားကန့်မြို့ ပြန်ကြားရေးနှင့် ပြည်သူ့ဆက်ဆံရေးဦးစီးဌာန လူထုအခြေပြုဗဟိုဌာနတွင် ပြုလုပ်ခဲ့ကြောင်း သိရသည်။

စစ်ကိုင်းတိုင်းဒေသကြီး  ဝက်လက်မြို့တွင်   ၂၀၁၈  ခုနှစ်  မိုးရာသီကာလအတွင်း ရေကြီးနစ်မြှုပ်မှုကြောင့် သီးနှံပျက်စီးဧက ၄၈၁၉၅ ဧကအပေါ်  ထောက်ပံ့ကြေးငွေပေးအပ်ပွဲကို  ယနေ့ နံနက်  ၉ နာရီက ဝက်လက်မြို့နယ် အထွေထွေ အုပ်ချုပ်ရေးဦးစီးဌာန အစည်းအဝေးခန်းမတွင် ပေးအပ်ခဲ့ကြောင်း သိရသည်။

မြန်မာနိုင်ငံ၏ ရှမ်းပြည်နယ်(တောင်ပိုင်း)တောင်ကြီးခရိုင်အတွင်း ယခုနှစ်နွေရာသီ၌ အပူချိန်ပိုမိုများပြားလျက်ရှိရာ သောက်ရေသုံးရေ အခက်အခဲများ ဖြစ်ပေါ်လျက်ရှိသည်။ ရှမ်းပြည်နယ် အစိုးရအဖွဲ့ဝန်ကြီးများနှင့် စေတနာရှင် အလှူရှင်များက ယနေ့မွန်းလွဲ ၁ နာရီက ရေအခက်အခဲဖြစ်ပေါ်နေသည့် တောင်ကြီးမြို့ပေါ် ရပ်ကွက်နှင့် အောင်သပြေကျေးရွာများတွင် ပြည်သူ့များအား မီးသတ်ရေသယ်ယာဉ်နှင့် ရေကားများဖြင့် သွားရောက်လှူဒါန်း ပေးခဲ့ကြောင်း သိရသည်။

အာဖဂန်ပြည်နယ် နှစ်ခုရှိ သီးခြားစစ်ဆင်ရေးများတွင်  စစ်သွေးကြွ ၁၈ဦးထက်မနည်းသေဆုံးခဲ့ကြောင်း အာဖဂန်နိုင်ငံ ကာကွယ်ရေးဝန်ကြီးဌာနက ယနေ့သတင်းထုတ်ပြန်ခဲ့သည်။

ကရင်ပြည်နယ် ဖာပွန်မြို့နယ်အတွင်း မီးဘေးအန္တရာယ် ကြိုတင်ကာကွယ်ရေးနှင့် မီးဘေးလုံခြုံမှုရှိစေရေးအတွက် ထင်းမီး၊ မီးသွေးမီးသုံးစွဲမှု အခြေအနေများကို စစ်ဆေးခြင်း၊ မီးဘေးအန္တရာယ် မကျရောက်စေရေးအတွက် ဆောင်ရန်၊ ရှောင်ရန် ကိစ္စရပ်များအား ပညာပေးဆောင်ရွက်ခြင်းများကို ယနေ့ နံနက် ၁၀ နာရီက အမှတ်(၁)ရပ်ကွက်အတွင်း မြို့နယ် မီးသတ်ဦးစီးဌာနမှ တာဝန်ရှိသူများက စစ်ဆေးဆောင်ရွက်ခဲ့ကြောင်း သိရသည်။