ရှမ်းပြည်နယ်(အ​ရှေ့ပိုင်း)၊ တာချီလိတ်ခရိုင်၊ မိုင်းဖြတ်မြို့နယ်တွင် မိုင်းဖြတ်လူမှုကူညီရေးအသင်းသို့ ​​မော်​တော်ယာဉ်တစ်​စီး ​ပေးအပ်လှူဒါန်းခြင်းကို သြဂုတ် ၁၀ ရက်​ နံနက်ပိုင်းက အဆိုပါ အသင်းရုံး၌ ကျင်းပပြုလုပ်သည်။

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်၊ မိုင်းဖုန်း(က)ကျေးရွာရှိ ဝမ်ပုံဆိပ်ကမ်း၌ လာအိုနိုင်ငံမှ လွှဲပြောင်း လာသည့် မြန်မာနိုင်ငံသား နေရပ်ပြန်ပြည်သူ ၂၅၅ ဉီးကို ဩဂုတ် ၁၀ ရက် မွန်းလွဲပိုင်းက တာချီ လိတ်မြို့နယ်မှ တာဝန်ရှိသူများက နွေးထွေ:စွာ ကြိုဆိုလက်ခံခဲ့ကြောင်း သိရသည်။

မန္တလေးတိုင်းဒေသကြီး၊ ညောင်ဦးမြို့နယ်တွင် မိုးလေဝသနှင့် ဇလဗေဒညွှန်ကြားမှုဦးစီးဌာန၏ ဩဂုတ် ၁၁ ရက် နံနက် ၆ နာရီခွဲ တိုင်းထွာချက်အရ ဧရာဝတီမြစ်ရေမှတ်သည် စိုးရိမ်ရေမှတ် ၂၁၂၀ စင်တီမီတာသို့ မရောက်ရှိဘဲ တဖြည်းဖြည်းပြန်ကျနေပြီဖြစ်ကြောင်း ညောင်ဦးမြို့ မိုးလေဝသနှင့် ဇလဗေဒညွှန်ကြားမှု ဦးစီးဌာနမှ သိရသည်။

ရှမ်းပြည်နယ်(မြောက်ပိုင်း)၊  မိုးမိတ်ခရိုင်၊ မိုးမိတ်မြို့နယ်တွင် ကိုဗစ်-၁၉ ရောဂါ ကာကွယ် ထိန်းချုပ်ရေး လုပ်ငန်းစဉ်များအား စဉ်ဆက်မပြတ်ဆောင်ရွက်လျက်ရှိရာ ဩဂုတ် ၁၁ ရက်တွင် မြို့နယ်စီမံ အုပ်ချုပ်ရေးအဖွဲ့ ဥက္ကဋ္ဌ ဦးအောင်ဘော်၏ ကြီးကြပ်လမ်းညွှန်မှုဖြင့် မြို့နယ်စည်ပင်သာယာဦးစီးဌာန၊ မြို့နယ် မီးသတ်တပ်ဖွဲ့စခန်းမှ တပ်ဖွဲ့ဝင်များနှင့် မြို့နယ်ကြက်ခြေနီတပ်ဖွဲ့ဝင်များက ကိုဗစ်-၁၉ ရောဂါပိုး တွေ့ရှိသည့်နေရာများနှင့် ဘာသာရေးကျောင်းများအား ပိုးသတ်ဆေးဖျန်းခြင်းကို ဩဂုတ် ၁၁ ရက် နံနက်ပိုင်းက စတင်၍ ဆောင်ရွက်ခဲ့ကြောင်း သိရသည်။

ပခုက္ကူခရိုင်၊ ရေစကြိုမြို့နယ်တွင် သြဂုတ် ၁၀ ရက် မွန်းလွဲပိုင်းက ဧရာဝတီမြစ်ရေနှင့် ချင်းတွင်းမြစ်ရေ တိုက်စားမှုကြောင့် ကွေ့ထောင့်ကျေးရွာအုပ်စု၊ အောင်သာကျေးရွာ၊ မိုးကွဲကျေးရွာအုပ်စု၊ ချင်းယား ကျေးရွာတို့မှ ရွှေ့ပြောင်းခဲ့ရသည့် လူနေအိမ် ၁၆ လုံး၊ အိမ်ထောင်စု ၁၆ စု၊ အမျိုးသား ၃၅ ဦး၊ အမျိုးသမီး ၃၄ ဦး စုစုပေါင်း ၇၉ ဦးတို့အား နီးစပ်ရာဆွေမျိုးများနေအိမ်၌ ယာယီနေထိုင်နိုင်ရေး စီစဉ်ဆောင်ရွက် ပေးထားကြောင်း သိရှိရသည်။

နယ်စပ်ရေးရာ၀န်ကြီးဌာန၊ နယ်စပ်ဒေသနှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးဦးစီးဌာနအနေဖြင့် နယ်စပ်ဒေသများ လမ်းပန်းဆက်သွယ်ရေးကောင်းမွန်စေရေးအတွက် ဆောင်ရွက်ပေးလျက်ရှိရာ