မွန်ပြည်နယ်၊ ချောင်းဆုံမြို့နယ်တွင် ကျန်းမာရေးနှင့် ညီညွတ်မှုမရှိသည့် ဆေးဝါးများ ဈေးဆိုင်များတွင် ရောင်းချမှု မရှိစေရေး ပြည်နယ် အစားအသောက်နှင့် ဆေးဝါးကွပ်ကဲမှု ဦးစီးဌာနက  ချောင်းဆုံမြို့ အမှတ်(၁)ဈေးနှင့် မြို့ပေါ်ရှိ ဆေးဆိုင်များအား ဇန်နဝါရီ ၂၅ ရက် နံနက်ပိုင်းက စံချိန်စံညွှန်းနှင့် မညီသည့် ဆေးဝါးများ ရောင်းချမှုမရှိစေရေး ကွင်းဆင်းစစ်ဆေးခဲ့ကြောင်း သိရသည်။

ပဲးခူးတိုင်းဒေသကြီး ကြို့ပင်ကောက်မြို့ စားသုံးသူရေးရာဦးစီးဌာနမှ တာဝန်ရှိသူများနှင့် ပူးပေါင်း အဖွဲ့သည် တိုင်းရင်းဆေးနှင့် အိမ်သုံးဆေးဝါးများ ရောင်းချလျက်ရှိသော ဆေးဆိုင်များတွင် မှတ်ပုံတင်ထား ခြင်းမရှိသော တရုတ်တိုင်းရင်းဆေး LianhuaqingwenJiaonang ရောင်းချခြင်းရှိမရှိ ရှောင်တခင် စစ်ဆေးခြင်းကို ဇန်နဝါရီလ ၂၆ ရက် နံနက်ပိုင်းက ဆောင်ရွက်ခဲ့သည်။

ရှမ်းပြည်နယ်(အရှေ့ပိုင်း)၊ တာချီလိတ်မြို့နယ်အတွက် ကျန်းမာရေးနှင့် အားကစားဝန်ကြီးဌာနမှ ပေးပို့လာသော ကိုဗစ်-၁၉ ကာကွယ်ဆေးများ ဇန်နဝါရီ ၂၆ ရက် မွန်းလွဲပိုင်းက ကမ္ဘောဇ လေကြောင်းဖြင့် ရောက်ရှိလာသည်။

ကယားပြည်နယ် လွိုင်ကော်ခရိုင်၊ ဖရူဆိုမြို့နယ် ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ ကျေးလက်နေပြည်သူများ၏ အလုပ်အကိုင်အခွင့်အလမ်းများ ပိုမိုရရှိစေရန်နှင့် မိသားစုဝင်ငွေတိုးပွား လာစေ ရန်ရည်ရွယ်၍ အသက်မွေးဝမ်းကျောင်းအထောက်အကူပြု လူသုံးကုန်ပစ္စည်း ထုတ်လုပ်မှုသင်တန်း  အမှတ်စဉ် (၁/၂၀၂၁) ကို ယနေ့နံနက် ၁၀ နာရီက မြို့မကျေးရွာအုပ်စု ဆိုလျားကူးကျေးရွာ၌ ဖွင့်လှစ်သည်။