ပြည်ထောင်စုငြိမ်းချမ်းရေး ညီလာခံ-(၂၁)ရာစုပင်လုံ စတုတ္ထအစည်းအဝေး ညီလာခံ တတိယနေ့ကို ယနေ့ နံနက် ၁၀ နာရီတွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန(၂)၌ ကျင်းပရာ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာနဥက္ကဋ္ဌ နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက်၍ ကျေးဇူးတင်စကားပြောကြားသည်။

ရခိုင်ပြည်နယ် စစ်တွေမြို့နယ်တွင် ကိုဗစ်-၁၉ ပြည်တွင်းကူးစက်မှုများရှိနေသဖြင့် ယခင်ပြေးဆွဲနေသော စစ်တွေ - အမ်း - မကွေး လေယာဉ်ခရီးစဉ်များအစား ရန်ကုန်-ညောင်ဦး - မကွေး ခရီးစဉ်အဖြစ် ပြောင်းလဲပျံသန်း ပြေးဆွဲ ပေးသွားမည်ဖြစ်ကြောင်း မြန်မာအမျိုးသားလေ ကြောင်းလိုင်း(MNA)၏ မကွေးဌာနေကိုယ်စားလှယ်ရုံးမှ သိရသည်။

သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာန၊ သစ်တောဦးစီးဌာန မှ ဖွင့်လှစ်ထားရှိသည့် တိရစ္ဆာန်ဥယျာဉ် (ရန်ကုန်)၊တိရစ္ဆာန်ဥယျာဉ်နှင့် ဆာဖာရီဥယျာဉ် (နေပြည်တော်)၊ တိရစ္ဆာန်ဥယျာဉ်(ရတနာပုံ)၊လှော်ကားဥယျာဉ်များရှိ တိရစ္ဆာန်များ၏ အစာ အတွက် ဒုတိယအကြိမ် လှူဒါန်းငွေပေးအပ်ပွဲကို ယနေ့မွန်းလွဲပိုင်းတွင် တိရစ္ဆာန်ဥယျာဉ် (ရန်ကုန်)၌ ကျင်းပသည်။ 

ဧရာဝတီတိုင်းဒေသကြီး ငါးလုပ်ငန်းဦးစီးဌာန၏ ကြီးကြပ်မှုဖြင့် ဖျာပုံခရိုင်၊ ဒေးဒရဲမြို့နယ် ငါးလုပ်ငန်း ဦးစီးဌာန၏ ၂၀၁၉-၂၀၂၀ ခုနှစ် စပါးခင်းများအတွင်း ငါးမျိုးစိုက်ထည့်ခြင်းအခမ်းအနားကို ယနေ့ နံနက် ၈ နာရီက ချောင်းဖျားကျေးရွာ ဦးထွန်းမြင့်အောင်၏ လယ်ကွင်း၌ ကျင်းပသည်။

ငါးသယံဇာတ တိုးပွားစေရန်နှင့် သားငါးကဏ္ဍ ဖွံ့ဖြိုးတိုးတက်စေရန်အတွက် စစ်ကိုင်းတိုင်းဒေသကြီး ကသာခရိုင် ထီးချိုင့်မြို့နယ် ငါးလုပ်ငန်းဦးစီးဌာနမှ ဦးဆောင်၍ ဧရာဝတီမြစ်အတွင်းသို့ ငါးမျိုး စိုက်ထူခြင်းအခမ်းအနားအား ယနေ့နံနက် ၈  နာရီက ထီးချိုင့်မြို့ အမှတ်(၃) ရပ်ကွက် ဘုရား(၄) ဆူဆိပ်ကမ်းတွင် ကျင်းပသည်။ 

စစ်ကိုင်းတိုင်းဒေသကြီး၊ ယင်းမာပင်ခရိုင် ငါးလုပ်ငန်းဦးစီးဌာနမှ ခရိုင်အတွင်းရှိ ဂရန်အင်းများအတွင်းသို့ ငါးမျိုးစိုက်ထည့်နိုင်ရန်အတွက် ငါးမျိုးများလွှဲပြောင်းပေးအပ်ခြင်းကို ဩဂုတ် ၂၀ ရက် နံနက်ပိုင်းက ယင်းမာပင် ငါးလုပ်ငန်းစခန်း၌ ပြုလုပ်ခဲ့ကြောင်း သိရသည်။