နိုင်ငံတကာခရီးသည်တင် လေယာဉ်များပျံသန်းမှု ယာယီရပ်ဆိုင်း ထားခြင်းကြောင့် ကိုရီးယားသမ္မတနိုင်ငံတွင် စာချုပ်သက်တမ်း ကျော်လွန်၍ မြန်မာနိုင်ငံသို့ ပြန်ရန် အခက်အခဲ ကြုံတွေ့နေရသော JSM International Ltd., မှ မြန်မာသင်္ဘောသား (၁၄၅)ဦးအား မြန်မာသံရုံး၊ ဆိုးလ်မြို့နှင့် ၎င်းတို့ကုမ္ပဏီမှ ပူးပေါင်းစီစဉ်သည့် မြန်မာ အပြည်ပြည် ဆိုင်ရာ လေကြောင်းလိုင်း (MAI) ကယ်ဆယ်ရေး လေယာဉ်ဖြင့် ခေါ်ဆောင်ခဲ့ရာ ယနေ့ (၂၀:၀၀) နာရီအချိန်တွင် ရန်ကုန် အပြည်ပြည် ဆိုင်ရာ လေဆိပ်သို့ အဆင်ပြေ ချောမွေ့စွာ ပြန်လည်ရောက်ရှိခဲ့ကြကြောင်း သိရပါသည်။

ကျန်းမာရေးနှင့် အားကစားဝန်ကြီးဌာနနှင့် ပြန်ကြားရေးဝန်ကြီးဌာနတို့ ပူးပေါင်းပြီး ကိုဗစ်-၁၉ ရောဂါအကြောင်း သိကောင်းစရာ အမေး/အဖြေ အစီအစဉ်ကို စက်တင်ဘာ ၂၉ ရက်မှစ၍ အပတ်စဉ် အင်္ဂါ၊ ဗုဒ္ဓဟူးနှင့် ကြာသပတေးနေ့များတွင် ညနေ ၆ နာရီခွဲ မှ ည ၇ နာရီအထိ မြန်မာ့အသံနှင့် ရုပ်မြင်သံကြားတွင် ထုတ်လွှင့်ပြသလျက်ရှိသည်။

ဆဋ္ဌမအကြိမ်မြောက် မြန်မာ-အီးယူ လူ့အခွင့်အရေးဆွေးနွေးပွဲကို ယနေ့ မွန်းလွဲ ၁ နာရီတွင် video conferencing စနစ် ဖြင့် ကျင်းပသည်။

Corona Virus Disease 2019 (Covid-19) ကမ္ဘာ့ကပ်ရောဂါ အန္တရာယ်မှ ကာကွယ်ထိန်းချုပ်နိုင်ရေးအတွက် အထောက်အကူဖြစ်စေရန်အတွက် ပြန်ကြားရေးဝန်ကြီးဌာနနှင့် မြန်မာ့အသံနှင့်ရုပ်မြင်သံကြားတို့သို့ U Pay Technology Co., Ltd. မှ Covid-19 ရောဂါ ကာကွယ်ရေးသုံး (Surgical Mask) များ လှူဒါန်းခြင်းကို ယနေ့ နံနက် ၁၀ နာရီက မြန်မာ့အသံနှင့် ရုပ်မြင်သံကြား အစည်းအဝေးခန်းမတွင် ကျင်းပပြုလုပ်သည်။